បរទេស៖ នេះបើយោងតាមការចេញផ្សាយរបស់អ្នកសារព័ត៌មានកីឡាដ៏ល្បីល្បាញម្នាក់ គឺលោក Fabrizio Romano បានអោយដឹងថា នៅពីក្រោយការបញ្ចប់ការដាក់សំណើរទិញយកកីឡាករ Marko Arnautovic របស់ Bologna ពីសំណាក់ Manchester United ដោយសារតែអ្នកគាំទ្រក្លឹបបិសាចក្រហម ធ្វើការប្រឆាំង។
ក្លឹប Bologna សង្ឃឹមថាខាង Man Utd នឹងធ្វើការដាក់សំណើរជាថ្មីទៅខ្លួនក្នុងការផ្ទេរយក Marko Arnautovic ក្នុងតម្លៃប្រមាណ ១៣លានដុល្លារ ក្នុងសប្តាហ៍ ប៉ុន្តែថ្នាក់គ្រប់គ្រង់ក្លឹបបិសាចក្រហមបានធ្វើការសម្រេចចិត្តបញ្ចប់នៅគម្រោងមួយនេះវិញ ក្រោយមានការប្រឆាំងយ៉ាងខ្លាំងពីសំណាក់អ្នកគាំទ្រ។
គួរបញ្ជាក់ថាក្លឹប Man Utd បានធ្វើការដាក់សំណើរទៅកាន់ក្លឹប Bologna ម្តងរួចមកហើយ ប៉ុន្តែត្រូវខាងក្លឹបនៅប្រទេសអ៊ីតាលីមួយនេះ ធ្វើការច្រានចោលនៅសំណើរ ដោយចង់បានតម្លៃខ្ពស់ជាងនេះ៕
