មណ្ឌលគិរី ៖ នៅថ្ងៃទី៧ ខែសីហា ឆ្នាំ២០២២ វេលាម៉ោង២២ និង១៥នាទី មានករណីគ្រោះថ្នាក់ចរាចរណ៍មួយកើតឡើង ដោយរថយន្តយីដុបបួនភ្លៅដឹកហ្គាសរបស់ក្រុមហ៊ុន(LPG) បើកបរក្នុងល្បឿនលឿនហើយផ្លូវកោងជាន់ហ្វ្រាំងមិនសុី បណ្តាលឱ្យបុករះតូបចំនួន ៥តូប ទើបក្រឡាប់ខ្លួនឯងគ្រោះថ្នាក់តែម្តង នៅលើផ្លូវជាតិ៧៦ ចំណុចផ្ទះ ចាន់ សំណាង និង ហ៊ឹម វល្ណី ស្ថិតភូមិចំបក់ សង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគិរី ។
នៅថ្ងៃទី៨ ខែសីហា ឆ្នាំ២០២២ លោកឧត្តមសេនីយ៏ទោ ទ្បោ សុខា ស្នងការនគរបាលខេត្ត បានចាត់តំណាងលោកស្នងការរងទទួលការងារចរាចរណ៏ និងប្រធានការិយាល័យចរាចរណ៍ព្រមទាំងមន្ត្រី ចុះពិនិត្យកន្លែងកើតហេតុបានណែនាំដល់ក្រុមហ៊ុនរថយន្តស្ទូចដើម្បីសង្គ្រោះមនុស្ស (អ្នកបើកបរ) ។
ប្រភពព័ត៌មាន នៅកន្លែងកើតហេតុ បានឱ្យដឹងថា ៖ ១-អ្នកបើករថយន្តឈ្មោះ សឿន សាវឿន ភេទប្រុស អាយុ៣៥ឆ្នាំ ជនជាតិខ្មែរ សញ្ជាតិខ្មែរ មុខរបរអ្នកបើកបរ រស់នៅបច្ចុប្បន្នភូមិព្រៃឈរ ឃុំព្រៃឈរ ស្រុកព្រៃឈរ ខេត្តកំពង់ចាម (បានស្លាប់នៅក្នុងរថយន្តកន្លែងកើតហេតុ) ដោយសារគាបជាប់នឹងកាប៊ីនរថយន្ត នៅពេលដែលរថយន្តស្ទូចមកពីភ្នំពេញមកដល់ ហើយស្ទូចរថយន្ដចេញពីកន្លែងកើតហេតុទើបឃើញសាកសពនៅវេលាម៉ោង៣ និង៣០នាទី នាថ្ងៃទី៩ ខែសីហា ឆ្នាំ២០២២ ។ រថយន្តម៉ាកយីឌុបបួនភ្លៅ ស្លាកលេខ ភ្នំពេញ ៣E-៤១៩១ ។ ២-ម្ចាស់តូបឈ្មោះ តឹក ម៉េងអឹង ភេទប្រុស អាយុ៣៥ឆ្នាំ ជនជាតិខ្មែរ សញ្ជាតិខ្មែរ មុខរបរលក់ដូរ រស់នៅភូមិចំបក់ សង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគីរី (រងបួសស្រាល) ។ ៣-ប្រពន្ធឈ្មោះ សម្បត្តិ ស្រីតូច ភេទស្រី អាយុ៣១ឆ្នាំ ជនជាតិខ្មែរ សញ្ជាតិខ្មែរ មុខរបរលក់ដូរ រស់នៅភូមិចំបក់ សង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគីរី (រងរបួសស្រាល) ។ ៤-ម្ចាស់តូបឈ្មោះ ខាំ សុភាព ភេទស្រី អាយុ៣៤ឆ្នាំ ជនជាតិខ្មែរ សញ្ជាតិខ្មែរ មុខរបរលក់ដូរ រស់នៅភូមិចំបក់ សង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគីរី (រងរបួសស្រាល) ។ ៥-ប្អូនរស់នៅជាមួយឈ្មោះ ខាំ សុភ័ណ្ឌ ភេទស្រី អាយុ២៧ឆ្នាំ ជនជាតិខ្មែរ សញ្ជាតិខ្មែរ មុខរបរកសិករ រស់នៅភូមិចំបក់ សង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគីរី (រងរបួសស្រាល) ។ ៦-ប្អូនរស់នៅជាមួយគ្នាឈ្មោះ ហ៊ុន មូលីកា ភេទស្រី អាយុ២០ឆ្នាំ ជនជាតិខ្មែរ សញ្ជាតិខ្មែរ មុខរបរកសិករ រស់នៅភូមិចំបក់ សង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគីរី (រងរបួសស្រាល ) ។ ៧-ម្ចាស់តូបឈ្មោះកៅ វិចិត្ត ភេទប្រុស អាយុ៣៣ឆ្នាំ ជនជាតិខ្មែរ សញ្ជាតិខ្មែរ មុខបរលក់ដូរភូមិចំបក់ សង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគីរី (ពុំមានរងរបួស) ។ ៨-ប្រពន្ធឈ្មោះ សៀក បុប្ផា ភេទស្រី អាយុ៣០ឆ្នាំ ជនជាតិខ្មែរ សញ្ជាតិខ្មែរ មុខបរលក់ដូររស់នៅភូមិកើតហេតុខាងលើ (ពុំមានរងរបួស) ។ ៩-កូនឈ្មោះ កៅ ហ្គិចលាង ភេទស្រី អាយុ២ឆ្នាំ ជនជាតិខ្មែរ សញ្ជាតិខ្មែររស់នៅក្នុងបន្ទុក រស់នៅភូមិសង្កាត់ កើតហេតុខាងលើ (ពុំមានរងរបួស) ។
បច្ចុប្បន្នជនរងគ្រោះសម្រាកនៅផ្ទះ ចំណែកឯសពត្រូវបានកម្លាំងជំនាញធ្វើការត្រួតពិនិត្យរួចបានប្រគល់ឱ្យទៅក្រុមគ្រួសារយកទៅធ្វើបុណ្យតាមប្រពៃណី ហើយរថយន្ដត្រូវបានស្ទូចយកមកបង្ហូរហ្គ៊ាស់នៅឯក្រុមហ៊ុន រួចយកមករក្សាទុកនៅស្នងការដ្ឋាននគរបាលខេត្តមណ្ឌលគិរីរង់ចាំដោះស្រាយតាមនីតិវិធី ៕
ប្រភព៖ អគ្គស្នងការដ្ឋាននគរបាលជាតិ
