Manchester City ដែលជាម្ចាស់ជើងឯក Premier League កំពុងមមាញឹកនៅក្នុងទីផ្សារដោះដូរកីឡាករនារដូវក្តៅនេះ ខណៈដែលពួកគេមានគោលបំណងរក្សាភាពលេចធ្លោរបស់ពួកគេនៅក្នុងទ្វីបអឺរ៉ុប។
ក្រុមមេឃខៀវ បានសម្រេចក្នុងការចុះហត្ថលេខាលើ Erling Haaland និង Kalvin Phillips រួចហើយក្នុងតម្លៃ ៥១ លានផោន និង ៤២ លានផោន បូករួមទាំងទឹកប្រាក់បន្ថែមរៀងៗខ្លួន។
លោក Pep Guardiola ក៏បានអនុញ្ញាតឱ្យមានការចាកចេញគួរឱ្យកត់សម្គាល់មួយចំនួននៅរដូវក្តៅនេះ។ កីឡាករ Gabriel Jesus, Raheem Sterling និង Oleksandr Zinchenko បានចាកចេញពីកីឡដ្ឋាន Etihad។
ដូចដែលបានរំពឹងទុក Man City ក៏ចង់ជំនួសកីឡាករដែលបានចាកចេញរបស់ពួកគេ ជាមួយនឹងកីឡាករចំណូលថ្មីនៅរដូវក្តៅនេះ។ ទីតាំងមួយដែលត្រូវបានកំណត់ថា នឹងត្រូវពង្រឹងគឺខ្សែការពារឆ្វេង។
បន្ទាប់ពីការចាកចេញរបស់ខ្សែការពារសញ្ជាតិអ៊ុយក្រែន Zinchenko ទៅកាន់ក្រុម Arsenal ក្លឹបមេឃខៀវ កំពុងរៀបចំការផ្លាស់ប្តូរសម្រាប់ខ្សែការពារឆ្វេង Marc Cucurella របស់ Brighton នៅរដូវក្តៅនេះ។
អ្នកចាត់ការក្លឹបលោក Guardiola បានបញ្ជាក់ថា Man City បច្ចុប្បន្នកំពុងចរចាជាមួយ Brighton សម្រាប់ Cucurella ដូចដែលបានរាយការណ៍ដោយអ្នកសារព័ត៌មាន និងអ្នកជំនាញការផ្ទេរកីឡាករលោក Fabrizio Romano ។
ទោះជាយ៉ាងណាក៏ដោយ តម្លៃ 50 លានផោនដែលបានកំណត់ដោយ Brighton សម្រាប់ខ្សែការពារឆ្វេងដែលមានភាពលេចធ្លោរ វាហាក់ដូចជាខ្ពស់ពេកចំពោះការផ្ទេរទៅ Manchester City ។
ប្រសិនបើក្លឹបទាំងពីរមិនអាចឈានដល់កិច្ចព្រមព្រៀងសម្រាប់ Cucurella នោះក្រុមរបស់លោក Guardiola អាចស្វែងរកជម្រើសផ្សេងទៀត។
ឥឡូវនេះសូមក្រឡេកមកមើល កីឡាករ 3នាក់ផ្សេងទៀតដែលក្រុមមេឃខៀវ អាចពិចារណាក្នុងការផ្ទេរសម្រាប់តំណែងខ្សែការពារឆ្វេង៖
#3. កីឡាករ Jose Gaya របស់ក្លឹប Valencia
#2. កីឡាករ Raphael Guerreiro របស់ក្លឹប Borussia Dortmund
#1. កីឡាករ Borna Sosa របស់ក្លឹប VfB Stuttgart
