យោងតាមសារព័ត៌មានរបស់អេស្ប៉ាញ AS បានឲ្យដឹងថា Cristiano Ronaldo នឹងត្រលប់មក Manchester United ក្នុងសប្តាហ៍នេះ ដើម្បីជួបពិភាក្សាជាមួយថ្នាក់ដឹកនាំរបស់ក្លឹប អំពីការសម្រេចចិត្តរបស់គាត់ក្នុងការចាកចេញ។
Ronaldo ត្រូវបានផ្សារភ្ជាប់ជាមួយនឹងក្លឹបជាច្រើនក្នុងរដូវក្តៅនេះ រួមមាន Bayern Munich, Atletico Madrid, Chelsea, Barcelona, Napoli, AS Roma និងសូម្បីតែក្រុមអារ៉ាប៊ីសាអូឌីត។ ទោះយ៉ាងណាក៏ដោយ មានតែ Atletico និង Bayern ប៉ុណ្ណោះដែលបង្ហាញការចាប់អារម្មណ៍ខ្លាំង។
ក្លឹប Bayern Munich ត្រូវការជំនួសខ្សែប្រយុទ្ធ Robert Lewandowski ដែលបានចូលរួមជាមួយក្លឹប Barcelona ខណៈពេលដែល Atletico កំពុងសម្លឹងរកការជំនួស Luis Suarez ដែលបានចាកចេញដោយគ្មានតម្លៃផ្ទេរ។
បញ្ចាក់ផងដែរថា Man Utd នឹងត្រូវប្រកួតជាមួយ Atletico ក្នុងការប្រកួតមិត្តភាពមុនបើករដូវកាលនៅថ្ងៃសៅរ៍ ទី 30 ខែកក្កដា ក្នុងប្រទេសន័រវេស៕
