លោក Thomas Tuchel អ្នកចាត់ការទូទៅរបស់ Chelsea បានបង្ហាញអំពីគំនិតរបស់គាត់ លើការបង្ហាញខ្លួនជាលើកដំបូងរបស់កីឡាករចំណូលថ្មី Raheem Sterling ក្នុងការប្រកួតមិត្តភាពទល់នឹង Charlotte កាលពីថ្ងៃទី 20 ខែកក្កដា។ គាត់បាននិយាយថាមិនមានអ្វីត្រូវរិះគន់ច្រើនទេព្រោះវាគ្រាន់តែជាការប្រកួតមុនបើករដូវកាលប៉ុណ្ណោះ។
និយាយអំពីការបង្ហាញទម្រង់លេងរបស់ Sterling លោក Tuchel បានប្រាប់ Football.london ថា៖ «ខ្ញុំបានឃើញចំនុចវិជ្ជមានអំពីល្បឿនចំនួនបួនដែលផ្តើមឡើងដោយ Raheem នៅក្នុងតង់ទីពីរ។ មិនចាំបាច់មានការសង្ស័យ ឬការរិះគន់អ្វីធំដុំទេ ប៉ុន្តែវាមិនសំខាន់អ្វីដែលអ្នកចាត់ការត្រូវគិតនោះទេ ព្រោះវាគ្រាន់តែជាការប្រកួតមុនបើករដូវកាលប៉ុណ្ណោះ»។
គួររំលឹកឡើងវិញដែរថា Sterling បានចូលរួមជាមួយ Chelsea ពី Manchester City នៅរដូវក្តៅនេះក្នុងតម្លៃប្រហែល 47.5 លានផោន។ គាត់បានចំណាយពេល 7 រដូវកាលដ៏អស្ចារ្យនៅ Etihad ដោយឈ្នះពានរង្វាន់ Premier League ចំនួន 4 និងពានក្នុងស្រុកជាច្រើនទៀត។ កីឡាករវ័យ 27 ឆ្នាំរូបនេះស៊ុតបញ្ចូលទីបាន 131 គ្រាប់ និងបញ្ជូនបាល់ឲ្យមិត្តរួមក្រុមបញ្ចប់ទីបាន 94 ដងក្នុងការបង្ហាញខ្លួន 337 លើកសម្រាប់ក្រុមមេឃខៀវ នៅទូទាំងការប្រកួតទាំងអស់៕
