អតីតខ្សែបម្រើក្រុម Arsenal លោក Paul Merson ជឿជាក់ថាវានឹងពិបាកសម្រាប់ Cristiano Ronaldo នៅ Manchester United ក្រោមការដឹកនាំរបស់ Erik ten Hag ។ គាត់បានអះអាងថាអ្នកចាត់ការសញ្ជាតិហូឡង់ចង់ឲ្យកីឡាករទាំងអស់ដេញបាល់ «press» ជាអ្វីដែល Merson គិតថាតារាឆ្នើមព័រទុយហ្គាល់នឹងមិនធ្វើវា។
ថ្លែងទៅកាន់ Daily Star លោក Merson បាននិយាយថា៖ «ខ្ញុំប្រាកដថា Erik ten Hag ចង់ឱ្យ Man Utd លេងដូច Ajax ដេញបាល់ «press» និងបោះបាល់លឿនៗ។ ប៉ុន្តែវានឹងពិបាកសម្រាប់ក្រុមដែលមាន Cristiano Ronaldo គាត់នឹងមិនដេញតាមបាល់នោះទេ»។
Merson បានបន្ថែមថា៖ «ប្រសិនបើ ten Hag អាចជួយឱ្យពួកគេជាប់ក្នុងចំណាត់ថ្នាក់កំពូលទាំងបួន ខ្ញុំគិតថាគាត់ធ្វើបានល្អណាស់។ គាត់ត្រូវតែបង្រួបបង្រួមក្រុម ហើយនាំពួកគេចូលលេងក្នុងក្របខ័ណ្ឌ Champions League ។ អ្នកគាំទ្រក្រុមបិសាចក្រហមមិនគួររំពឹងអ្វីច្រើនជាងនេះនោះទេ»៕
