អ្នកចាំទីដៃស្អិត Alisson របស់ក្រុម Liverpool បានសោកស្ដាយចំពោះអសមត្ថភាពរបស់ក្រុមខ្លួនក្នុងការឈ្នះពាន Premier League បើទោះបីជាទទួលបាន 92 ពិន្ទុក្នុងរដូវកាលនេះ។
គាត់បានប្រាប់ Sky Sports ថា៖ «ជាមួយនឹង 92 ពិន្ទុ អ្នកនឹងក្លាយជាជើងឯកនៅក្នុងលីកទាំងអស់នៅលើពិភពលោក ប៉ុន្តែនៅទីនេះអ្នកមិនមែនទេ។ ពេលខ្លះអ្នកត្រូវតែប្រឹងប្រែងបន្ថែមទៀត»។
ទោះបីជាមានការខកចិត្តចុងក្រោយរបស់ពួកគេក៏ដោយ Alisson ជឿជាក់ថាក្លឹបត្រូវតែរក្សាជំហររបស់ពួកគេ ហើយអ្នកចាំទីរូបនេះបានអបអរសាទរចំពោះក្រុមរបស់លោក Pep Guardiola ផងដែរ។
Alisson បានបន្ថែមទៀតថា៖ «យើងទទួលបានជ័យជម្នះ និងពិន្ទុ ប៉ុន្តែវាមិនគ្រប់គ្រាន់ទេ។ យើងមានការខកចិត្តដោយសារតែយើងបានប្រឹងប្រែងយ៉ាងខ្លាំង ប៉ុន្តែយើងត្រូវតែមានមោទនភាពពិតប្រាកដ។ សូមអបអរសាទរចំពោះ Manchester City»៕
