តារាឆ្នើមរបស់ PSG កីឡាករ Neymar បានកំណត់គោលដៅរបស់ខ្លួនក្នុងការឈ្នះពានរង្វាន់ FIFA World Cup ឆ្នាំ 2022 ជាមួយប្រទេសប្រេស៊ីលក្នុងប្រទេសកាតានៅឆ្នាំនេះ បន្ទាប់ពីបានសោកសៅក្នុងក្របខ័ណ្ឌ UEFA Champions League។
Neymar បាននិយាយថា៖ «ខ្ញុំពិតជាចង់ឈ្នះ Champions League ជាមួយ PSG សម្រាប់ឆ្នាំនេះ ប៉ុន្តែជាអកុសលយើងមិនអាច។ ឥឡូវនេះខ្ញុំចង់បញ្ចប់ឆ្នាំ 2022 ជាមួយនឹងពានរង្វាន់ World Cup” ។
គាត់បានបន្ថែម៖ «ខ្ញុំកំពុងរៀបចំខ្លួនទាំងផ្លូវកាយ និងផ្លូវចិត្ត ដើម្បីជួយក្រុមជម្រើសជាតិរបស់ខ្ញុំ។ ខ្ញុំនឹងលះបង់ជីវិតសម្រាប់វា ខ្ញុំបានលេងវាពីរដងហើយ ដូច្នេះខ្ញុំមិនអាចឱ្យវារត់គេចពីខ្ញុំបានទេ»៕
