បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី១៨ ខែមេសា ឆ្នាំ២០២២ បានអោយដឹងថា ប្រធានាធិបតីអ៊ុយក្រែនលោក Volodymyr Zelensky និងទីប្រឹក្សារបស់លោកបានអះអាងកាលពីថ្ងៃចន្ទថា ដំណាក់កាលទីពីរនៃការវាយលុករបស់រុស្ស៊ីបានចាប់ផ្តើមហើយ។ រដ្ឋាភិបាលក្នុងទីក្រុងគៀវបាននិយាយថា មានរបាយការណ៍អំពីការប្រយុទ្ធគ្នាយ៉ាងធ្ងន់ធ្ងរនៅលើតំបន់ Donetsk, Lugansk និង Kharkov ហើយថាទាហានអ៊ុយក្រែនកំពុងស្ថិតនៅជួរត្រៀម។
លោក Volodymyr Zelensky បាននិយាយនៅក្នុងវីដេអូមួយដែលបានបង្ហោះនៅលើ Telegram កាលពីល្ងាចថ្ងៃចន្ទថា “ឥឡូវនេះយើងអាចបញ្ជាក់បានថាកងទ័ពរុស្ស៊ីបានចាប់ផ្តើមសមរភូមិសម្រាប់តំបន់ Donbass ដែលពួកគេបានរៀបចំជាយូរមកហើយ” ។
លោកបានបន្ថែមថា “មួយផ្នែកធំនៃកងទ័ពរុស្ស៊ីឥឡូវត្រូវបានធ្វើការវាយលុកនេះ”៕
