តារាឆ្នើមរបស់ Manchester United កីឡាករ Paul Pogba បានបង្ហាញឆន្ទៈផ្ទេរចេញពីក្លឹបបច្ចុប្បន្ន ខណៈពេលដែលកីឡាកររូបនេះបង្ហាញពីការខកចិត្តរបស់គាត់ចំពោះស្ថានភាពនៅ Old Trafford ។
អនាគតរបស់ Pogba កំពុងតែស្ថិតក្នុងភាពច្របូកច្របល់ ជាមួយនឹងកិច្ចសន្យារបស់គាត់ដែលនឹងត្រូវផុតកំណត់នៅក្នុងខែមិថុនា ហើយមិនទាន់មានសញ្ញានៃការបន្តត្រូវបានយល់ព្រមនៅឡើយទេ។
PSG ត្រូវបានចាត់ទុកថាជាគោលដៅដែលទំនងបំផុតសម្រាប់កីឡាករវ័យ ២៩ ឆ្នាំ ប្រសិនបើគាត់ចាកចេញពីក្លឹបបិសាចក្រហម ដោយគ្មានតម្លៃផ្ទេរ។ Pogba បាននិយាយថា «និយាយដោយស្មោះត្រង់ ប្រាំរដូវកាលចុងក្រោយខ្ញុំមិនពេញចិត្តទាល់តែសោះ យើងមិនឈ្នះអ្វីទាំងអស់។ មិនថានៅជាមួយ Manchester United ឬនៅក្លឹបផ្សេងទៀត ខ្ញុំចង់ឈ្នះពានរង្វាន់»៕
