Real Madrid ត្រូវបានគេរាយការណ៍ថាបានត្រៀមខ្លួនជាស្រេចក្នុងការចំណាយប្រាក់លើតារាឆ្នើមរបស់ Inter Milan កីឡាករ Nicolo Barella នៅរដូវក្តៅនេះ។ ក្លឹបយក្ស La Liga ចាត់ទុកខ្សែបម្រើរូបនេះជាអ្នកជំនួស Toni Kroos ។
យោងតាមរបាយការណ៍របស់ El Nacional បានឱ្យដឹងថា Los Blancos ត្រូវបានរៀបចំដើម្បីបំពេញតាមតម្លៃ ៨០ លានអឺរ៉ូរបស់ Inter Milan សម្រាប់ Barella ប្រសិនបើមានកីឡាករការចាកចេញពីក្រុមដំបូងរបស់ពួកគេ។ របាយការណ៍បានអះអាងថា Kroos គឺជាកីឡាករម្នាក់ក្នុងចំណោមកីឡាករដែលនឹងចាកចេញពីក្លឹប នៅពេលកីឡាករអ៊ីតាលីខាងលើមកដល់។
កិច្ចសន្យារបស់ Barella ជាមួយ Inter Milan នឹងផុតកំណត់នៅឆ្នាំ ២០២៦ ជាហេតុផលដែលតម្រូវឱ្យតម្លៃខ្លួនខ្ពស់បែបនេះ ដើម្បីទាក់ទាញគាត់ឱ្យមកកាន់ទឹកដី Santiago Bernabeu ។
ការចុះហត្ថលេខាដ៏មានសក្តានុពលរបស់ Barella អាចត្រូវបានគេមើលឃើញថាជាការបំពេញបន្ថែមក្នុងតំបន់របស់ក្រុម Real Madrid ដែលកំពុងត្រៀមសម្រាប់ការចាកចេញរបស់ Kroos, Luka Modric និង Casemiro ។
បញ្ជាក់ផងដែរថា កីឡាករវ័យ ២៤ ឆ្នាំរូបនេះបានទាក់ទាញការចាប់អារម្មណ៍យ៉ាងខ្លាំងក្នុងរដូវកាលនេះ ដោយស៊ុតបញ្ចូលទីបាន ២ គ្រាប់ និងបញ្ជូនបាល់ឱ្យមិត្តរួមក្រុមបញ្ចប់ទីបាន ១០ ដងក្នុងការបង្ហាញខ្លួន ៣៧ ប្រកួតសម្រាប់ក្លឹបយក្ស Serie A គ្រប់ការប្រកួតទាំងអស់៕
