លោក Ralf Rangnick បានលើកសសើគ្រូបង្វឹក Ajax លោក Erik ten Hag ថាជាគ្រូបង្វឹកដ៏ល្អបំផុតមួយនៅអឺរ៉ុប ចំពេល Manchester United ស្វែងរកអ្នកចាត់ការអចិន្ត្រៃយ៍ថ្មី។
បិសាចក្រហមបានសម្រេចតែងតាំងលោក Rangnick ជាអ្នកចាត់ការបណ្តោះអាសន្ន បន្ទាប់ពីបានសម្រេចចិត្តបណ្តេញលោក Ole Gunnar Solskjaer បន្ទាប់ពីដឹកនាំក្រុមមានឱនភាព។
ចាប់តាំងពីពេលនោះមក Rangnick បានស្តារស្ថានការណ៍របស់ក្លឹប ហើយបច្ចុប្បន្នបិសាចក្រហមសង្ឃឹមថានឹងបញ្ចប់ក្នុងចំណាត់ថ្នាក់កំពូលទាំងបួននៃក្របខ័ណ្ឌ Premier League ប៉ុន្តែនឹងផ្លាស់ប្តូរតួនាទីអ្នកចាត់ការបណ្តោះអាសន្នរូបនេះ ទៅជាអ្នកប្រឹក្សានៅចុងបញ្ចប់នៃរដូវកាលនេះ។
គួរបញ្ជាក់ផងដែរថា អ្នកជំនួសជាអចិន្ត្រៃយ៍សម្រាប់លោក Solskjaer នៅតែត្រូវបានស្វែងរក ហើយ Ten Hag ត្រូវបានគេរាយការណ៍ថាជាបេក្ខជននាំមុខគេសម្រាប់តួនាទីនេះ៕
