យោងតាមការចុះផ្សាយរបស់ Daily Mail បានឲ្យដឹងថាលោក Erik ten Hag អ្នកចាត់ការទូទៅរបស់ Ajax កំពុងរៀនភាសាអង់គ្លេស ដើម្បីបង្កើនឱកាសរបស់គាត់ក្នុងការក្លាយជាអ្នកចាត់ការ Manchester United បន្ទាប់ពីខកខានការងារនៅ Tottenham ដោយសារតែបញ្ហាភាសា។
Ajax ត្រូវបានគេរាយការណ៍ថាបានដឹងថាលោក ten Hag មានបំណងចង់ចាកចេញពីក្លឹបនៅរដូវក្តៅនេះ ដោយអ្នកចាត់ការសញ្ជាតិហូឡង់រូបនេះ គឺជាគូប្រជែងកំពូលដើម្បីបន្តតំណែង Ralf Rangnick នៅ Old Trafford ។
របាយការណ៍នេះអះអាងថាការអន់ខ្សោយផ្នែកភាសារអង់គ្លេសរបស់លោក ten Hag បានរារាំងគាត់សម្រាប់ការងារនៅ Spurs កាលពីរដូវក្តៅមុន ហើយឥឡូវនេះគាត់កំពុងខិតខំរៀន ដើម្បីជៀសវាងការកើតឡើងម្តងទៀត៕
