យោងតាម FourFourTwo បានឱ្យដឹងថា Arsenal ចាប់អារម្មណ៍ក្នុងការចុះហត្ថលេខាលើតារាឆ្នើមរបស់ Bayern Munich កីឡាករ Robert Lewandowski ។
កិច្ចសន្យារបស់ខ្សែប្រយុទ្ធសញ្ជាតិប៉ូឡូញជាមួយក្លឹបអាឡឺម៉ង់ នឹងផុតកំណត់នៅឆ្នាំ ២០២៣ ប៉ុន្តែគាត់ត្រូវបានគេរាយការណ៍ថា កំពុងស្វែងរកការផ្លាស់ប្តូរនៅរដូវក្តៅឆ្នាំ ២០២២។ ទោះបីជាយ៉ាងណាក៏ដោយ គាត់អាចនៅបន្តស្នាក់នៅ ប្រសិនបើក្លឹប Bayern Munich ផ្តល់ជូនគាត់នូវកិច្ចសន្យាថ្មី។ ដោយសារតែស្ថានភាពដ៏ស្មុគស្មាញនេះ ក្លឹបជាច្រើនត្រូវបានគេរាយការណ៍ថាចាប់អារម្មណ៍ក្នុងការចុះហត្ថលេខាលើកីឡាករល្អបំផុតរបស់ FIFA ឆ្នាំ ២០២១ ។
ក្រុមកាំភ្លើងធំពិតជានឹងស្ថិតនៅក្នុងទីផ្សារសម្រាប់ខ្សែប្រយុទ្ធនៅរដូវក្តៅ ហើយ Lewandowski គឺជាគោលដៅដ៏សំខាន់របស់ពួកគេ៕
