Borussia Dortmund ត្រូវបានគេរាយការណ៍ថាកំពុងពិចារណាលើការផ្លាស់ប្តូរសម្រាប់ខ្សែប្រយុទ្ធរបស់ Chelsea កីឡាករ Timo Werner នៅរដូវក្តៅនេះ។ ខ្សែប្រយុទ្ធអាឡឺម៉ង់រូបនេះ ត្រូវបានគេជឿថាចង់បញ្ចប់ពេលវេលារបស់គាត់ជាមួយក្លឹបយក្ស Premier League ។
យោងតាមគេហទំព័រ Fichajes.net កីឡាករ Timo Werner មានបំណងចង់ចាកចេញពីប្រទេសអង់គ្លេស បន្ទាប់ពីបរាជ័យក្នុងការសម្របខ្លួនសម្រាប់ការប្រកួត Premier League។ Borussia Dortmund អាចនឹងនាំយកកីឡាករវ័យ ២៥ ឆ្នាំចេញពីទឹកដីអង់គ្លេសនៅរដូវក្តៅនេះ។
Timo Werner បានចូលរួមជាមួយ Chelsea ពី RB Leipzig ក្នុងកិច្ចព្រមព្រៀងតម្លៃ ៤៧,៧ លានផោនក្នុងរដូវក្តៅឆ្នាំ ២០២០ ។ មុនពេលគាត់ផ្លាស់ទៅ Stamford Bridge កីឡាកររូបនេះ ត្រូវបានគេចាត់ទុកថាជាខ្សែប្រយុទ្ធដ៏ល្អបំផុតម្នាក់នៅក្នុង Bundesliga ។ គាត់បានស៊ុតបញ្ចូលទីបាន ៩៥ គ្រាប់ក្នុងការបង្ហាញខ្លួន ១៥៩ ប្រកួតនៅក្នុងការប្រកួតទាំងអស់សម្រាប់ក្លឹប។
គួររំលឹកឡើងវិញផងដែរថា ការតស៊ូរបស់ Timo Werner បានបន្តនៅរដូវកាលនេះ។ គាត់រកបានតែមួយគ្រាប់ប៉ុណ្ណោះក្នុងការបង្ហាញខ្លួន ១១ ប្រកួតនៅ Premier League សម្រាប់ Chelsea នៅរដូវកាលនេះ៕
