កីឡាករ Jarrod Bowen របស់ក្លឹប West Ham នឹងមានតម្លៃខ្លួនមិនតិចជាង ៧៤ លានផោន ប្រសិនបើ Liverpool ចង់ចុះហត្ថលេខាលើរូបគេ។
កីឡាករវ័យ ២៥ ឆ្នាំរូបនេះមានយុទ្ធនាការដ៏ល្អជាមួយក្រុម Hammers មកទល់ពេលនេះ ដោយស៊ុតបញ្ចូលទីបាន ១២ គ្រាប់ និងបញ្ជូនបាល់ឱ្យមិត្តរួមក្រុមចំនួន ១១ លើកពីការបង្ហាញខ្លួនចំនួន ៣៧ ប្រកួតនៅទូទាំងការប្រកួត។ Bowen ទទួលបានការចាប់អារម្មណ៍ពីក្រុមកំពូលៗជាច្រើន រួមទាំងក្រុមហង្សក្រហមផងដែរ។
គួររំលឹកដែរថា Bowen បានចូលរួមជាមួយ West Ham ពី Hull City ក្នុងខែមករាឆ្នាំ ២០២០ ក្នុងតម្លៃ ១៨ លានផោន។ កំណត់ត្រារួមរបស់គាត់គឺរកគ្រាប់បាល់បាន ២១ គ្រាប់និង assists ជាច្រើនក្នុង ៩០ ប្រកួតសម្រាប់ក្លឹប៕
