កិច្ចសន្យារបស់កីឡាករសញ្ជាតិបារាំង Kylian Mbappe ជាមួយក្លឹបយក្សរបស់បារាំង នឹងផុតកំណត់នៅខែមិថុនា ហើយគាត់ទំនងជាចូលរួមជាមួយក្លឹប Real Madrid នៅរដូវក្តៅនេះ។
PSG បានកំណត់អត្តសញ្ញាណ Robert Lewandowski ថាជាអ្នកជំនួស Mbappe។ ក្លឹបយក្សបារាំងកំពុងចាប់ផ្តើមស្វែងរកអ្នកជំនួសរួចតំណែងកីឡាករវ័យក្មេងដ៏លេចធ្លោនេះហើយ ដោយ Erling Haaland របស់ Borussia Dortmund គឺជាបេក្ខភាពចម្បងម្នាក់ដើម្បីជំនួស Mbappe ។ ប៉ុន្តែថ្មីៗនេះ សារព័ត៌មានបារាំង L’Equipe បានរាយការណ៍ថាឈ្មោះរបស់ Lewandowski បានលេចឡើងក្នុងចំណោមការពិចារណា។
កិច្ចសន្យារបស់កីឡាករសញ្ជាតិប៉ូឡូញជាមួយក្លឹប Bayern Munich មានរយៈពេលរហូតដល់ខែមិថុនា ឆ្នាំ ២០២៣ ហើយគាត់នៅតែបន្តផ្តល់គុណភាពលេងឱ្យពួកគេ បើទោះបីជាគាត់មានអាយុច្រើនក៏ដោយ។
កីឡាករវ័យ ៣៣ ឆ្នាំរូបនេះបានស៊ុតបញ្ចូលទីបាន ៣៩ គ្រាប់នៅក្នុងការប្រកួតទាំងអស់សម្រាប់ក្លឹបយក្ស Bundesliga។ ដោយសារទម្រង់លេងដ៏ពុះកញ្ជ្រោលរបស់គាត់ គាត់ហាក់ដូចជាអាចលេងនៅកម្រិតកំពូលក្នុងរយៈពេលពីរបីឆ្នាំទៀត ហើយ PSG មានឆន្ទៈក្នុងការនាំយកគាត់មកកាន់ Parc des Princes៕
