សមាជិកចំណូលថ្មីរបស់ក្លឹបអ្នកមានបុណ្យកីឡាករ Ferran Torres បានបង្ហាញឱ្យដឹងថា និមិត្តរូបក្នុងដួងចិត្តរបស់គាត់គឺជាវីរបុរសរបស់ Barcelona កីឡាករ David Villa ។
Torres បានមកដល់ទឹកដី Camp Nou ក្នុងរដូវរងារនេះពី Manchester City ។ ថ្លែងទៅកាន់ប្រព័ន្ធផ្សព្វផ្សាយរបស់ Barcelona ខ្សែប្រយុទ្ធវ័យក្មេងរូបនេះបានបង្ហាញពីការកោតសរសើររបស់គាត់ ចំពោះខ្សែប្រយុទ្ធ Barca និងជាកីឡាករអេស្ប៉ាញថា៖
«David Villa គឺជាវីរបុរសរបស់ខ្ញុំ។ ខ្ញុំចង់ទៅវិស្សមកាលជាមួយគាត់។ ខ្ញុំនឹងមិនហត់ទេ ព្រោះខ្ញុំបានរៀនច្រើន ហើយវាជាកិត្តិយសសម្រាប់ខ្ញុំ»។
David Villa គឺជាកីឡាករសំខាន់ក្រោមការដឹកនាំរបស់លោក Pep Guardiola ចន្លោះឆ្នាំ ២០១០ និង ២០១៣ ដោយលេងនៅក្នុងក្រុម Barcelona ដែលមានទេពកោសល្យជាមួយនឹងតារាឆ្នើមជំនាន់មុនដូចជា Lionel Messi ។ Torres នឹងសង្ឃឹមថានឹងទទួលបានជោគជ័យស្រដៀងគ្នាជាមួយនឹង Barcelona៕
