Liverpool នឹងបើកទ្វារកីឡដ្ឋាន Anfield ទទួលស្វាគមន៍ក្រុមភ្ញៀវ Leicester City ក្នុងការប្រកួត Premier League ដ៏សំខាន់ក្នុងសប្តាហ៍នេះ ។ Mohamad Salah បានត្រលប់មកហ្វឹកហាត់វិញសម្រាប់ក្រុមហង្សក្រហម ខណៈដែលកីឡាករចំណូលថ្មី Luis Diaz បានបង្ហាញនូវភាពប៉ិនប្រសប់របស់គាត់ ក្នុងការបង្ហាញខ្លួនជាមួយនឹងក្រុម Cardiff City ក្នុងពានរង្វាន់ FA Cup ។
ទន្ទឹមនឹងនោះ Sadio Mane នឹងមិនមានវត្តមានសម្រាប់ការប្រកួតនេះទេ បន្ទាប់ពីគាត់បានជួយក្រុមជម្រើសជាតិសេនេហ្គាល់ លើកពាន AFCON ២០២១។ កីឡាករមួយចំនួនដូចជា Roberto Firmino, Diogo Jota, Takumi Minamino និង Divock Origi ត្រូវបានគេរំពឹងថានឹងអាចមានវត្តមាននៅលើទីលាន។
ជម្រើស ១១នាក់ដំបូងរបស់ក្រុម Liverpool សម្រាប់ការប្រកួត Premier League របស់ពួកគេទល់នឹង Leicester City អាចនឹងមានកីឡាករដូចជា៖
១- អ្នកចាំទីអាចជា Alisson Becker
២- ខ្សែការពារ អាចនឹងមានកីឡាករដូចា៖ Andy Robertson, Virgil van Dijk, Joel Matip និង Trent Alexander-Arnold
៣- ខ្សែបម្រើរ អាចនឹងមានកីឡាករដូចា៖ Fabinho, Naby Keita, Curtis Jones
៤- ខ្សែប្រយុទ្ធ អាចនឹងមានកីឡាករដូចា៖ Roberto Firmino, Diogo Jota, Luis Diaz
ចំណែកឯ Mohamed Salah ត្រូវបានគេរំពឹងថាលោក Jurgen Klopp ទំនងជានឹងប្តូរចូលក្នុងតង់ទីពីរ៕
