Chelsea ប្រឈមនឹងបញ្ហារធំមុនការប្រកួត UEFA Champions League វគ្គ ១៦ក្រុមចុងក្រោយរបស់ពួកគេ ជាមួយនឹងក្រុម Lille ។
ក្រុមតោខៀវដែលបានឈ្នះពានរង្វាន់ Champions League កាលពីរដូវកាលមុន ត្រូវបានចាប់ឆ្នោតប៉ះក្រុមការពារតំណែងជើងឯក Ligue 1 ក្នុងជុំទី ១៦ ដោយការប្រកួតជើងទាំងពីរ នឹងត្រូវប្រកួតនៅថ្ងៃទី ២២ ខែកុម្ភៈនៅ Stamford Bridge និងថ្ងៃទី ១៦ ខែមីនា នៅកីឡដ្ឋាន Stade Pierre-Mauroy។
Chelsea ត្រូវបានគេរំពឹងថានឹងចាប់ផ្តើមបានល្អ ដោយសារតែពួកគេមានក្រុមកីឡាករល្អជាងក្រុមមកពីប្រទេសបារាំង។ ទោះជាយ៉ាងណាក៏ដោយ របាយការណ៍ថ្មីមួយបញ្ជាក់ថា គ្រូបង្វឹក Chelsea លោក Thomas Tuchel អាចនឹងខកខានកីឡាករសំខាន់ៗមួយចំនួនរបស់គាត់សម្រាប់ជើងទីពីរ។
ទីតាំងនៃការប្រកួតជើងទីពីរ កំពុងស្ថិតក្រោមការពិចារណា ខណៈដែលប្រទេសបារាំងកំពុងប្រឆាំងនឹងការអនុញ្ញាតឱ្យមនុស្សដែលមិនបានចាក់វ៉ាក់សាំងចូលក្នុងប្រទេស។
ទោះបីជាយ៉ាងណាក៏ដោយ ជាមួយនឹង Lille ទទួលបានសិទ្ធិធ្វើជាម្ចាស់ផ្ទះជើងទីពីរ ពេលនោះ Chelsea នឹងត្រូវធ្វើដំណើរទៅកាន់ប្រទេសបារាំង ដោយគ្មានកីឡាករដែលមិនទាន់បានចាក់វ៉ាក់សាំង៕
