Luis Diaz បានបញ្ចប់ការផ្លាស់ប្តូរដែលរូបគេបានរំពឹងទុកយ៉ាងខ្លាំងទៅកាន់ Liverpool ក្នុងរដូវរងារនេះ ដោយចូលរួមជាមួយក្លឹបយក្ស Premier League ពី FC Porto ក្នុងកិច្ចព្រមព្រៀងដែលមានតម្លៃ ៤៥ លានអឺរ៉ូ។ អតីតខ្សែការពារក្រុម Tottenham លោក Alan Hutton ជឿជាក់ថាកីឡាករសញ្ជាតិកូឡុំប៊ីរូបនេះ ស្ថិតក្នុងចំណោមកីឡាករដែលអាចវាយសម្រុកសម្រាប់ក្រុមរបស់លោក Jurgen Klopp ក្នុងប៉ុន្មានឆ្នាំខាងមុខនេះ។
Diaz បានបង្ហាញខ្លួនជាលើកដំបូងសម្រាប់ក្រុម Liverpool ក្នុងអំឡុងពេលជ័យជម្នះ ៣-១ របស់ពួកគេលើក្រុម Cardiff City ក្នុងពានរង្វាន់ FA Cup កាលពីចុងសប្តាហ៍មុន ហើយគាត់បានចូលរួមចំណែក ក្នុងគ្រាប់បាល់ទីពីររបស់ហង្សក្រហម។ Hutton បាននិយាយថា កីឡាករសញ្ជាតិកូឡុំប៊ីរូបនេះ អាចផ្តល់ការគំរាមកំហែងដល់ខ្សែការពាររបស់គូបដិបក្ខ ហើយគាត់បន្តថា របៀបរបស់ Diaz គឺសមនឹង Anfield ។
ការវាយលុករបស់ Liverpool មានគុណភាពល្អនៅពេលនេះ ដោយកីឡាករទាំងបីរបស់ហង្សក្រហមគឺ Mohamed Salah, Sadio Mane និង Roberto Firmino នៅតែខ្លាំង។ ទន្ទឹមនឹងនេះដែរ Diogo Jota ពិតជាគួរអោយចាប់អារម្មណ៍ក្នុងរដូវកាលនេះ ដោយរកបាន ១៥ គ្រាប់ និង assist ៣ លើកមកទល់ពេលនេះ។ Hutton ជឿជាក់ថាកីឡាករ Luis Diaz អាចគ្រប់គ្រងការវាយប្រហាររបស់ហង្សក្រហមនាពេលអនាគត៕
