Real Madrid ត្រូវបានគេរាយការណ៍ថា មានទំនុកចិត្តក្នុងការចុះហត្ថលេខាលើខ្សែបម្រើ Sergej Milinkovic-Savic របស់ S.S. Lazio នៅរដូវក្តៅក្រោយ។ Los Blancos ត្រូវបានគេរាយការណ៍ថាចាត់ទុក Milinkovic-Savic ជាអ្នកជំនួសដ៏ល្អសម្រាប់ខ្សែបម្រើជើងចាស់ Toni Kroos ។
យោងតាម El Nacional ប្រធានក្លឹប Real Madrid លោក Florentino Perez បានរក្សាទំនាក់ទំនងយ៉ាងល្អជាមួយអ្នកតំណាងរបស់ Milinkovic-Savic លោក Mateja Kezman តាំងពីឆ្នាំ ២០១៨ មកម្លេះ។ ក្លឹបអេស្ប៉ាញត្រូវបានគេជឿថា ចង់ចុះហត្ថលេខាលើខ្សែបម្រើឆ្នើមរូបនេះ ដើម្បីជំនួស Kroos នាពេលខាងមុខនេះ។
Lazio ត្រូវបានគេជឿថាមានឆន្ទៈក្នុងការស្តាប់ការផ្តល់ជូនក្នុងតម្លៃប្រមាណ ៨០ លានអឺរ៉ូសម្រាប់ខ្សែបម្រើរបស់ពួកគេ។ ទោះជាយ៉ាងណាក៏ដោយ Los Blancos មានទំនុកចិត្តក្នុងការចុះហត្ថលេខាលើ Milinkovic-Savic ក្នុងតម្លៃប្រហែល ៦០ លានអឺរ៉ូ៕
