បរទេស៖ នេះបើយោងតាមការចេញផ្សាយរបស់ Manchester Evening News នៅថ្ងៃទី១ ខែកុម្ភៈ ឆ្នាំ២០២២នេះ បានអោយដឹងថា នៅថ្ងៃនេះ លោកEd Woodward បានលាឈប់ពីតួនាទីជាអនុប្រធានប្រតិបត្តិរបស់ក្លឹប Manchester United ជាផ្លូវការហើយ។
កាលពីខែមេសាឆ្នាំ ២០២១ ក្លឹប United បានបញ្ជាក់ថា Woodward នឹងចាកចេញពីក្លឹបនៅចុងឆ្នាំ២០២១។
នៅដើមខែមករា ឆ្នាំ២០២២ ក្លឹបបានបង្ហាញថាលោក Richard Arnold នឹងបំពេញតួនាទីទំនេរនៅក្នុងទឹកដី Old Trafford និងក្លាយជានាយកប្រតិបត្តិរបស់ក្លឹបនៅថ្ងៃអង្គារ ទី ១ ខែកុម្ភៈ។
ជាមួយគ្នានឹងលោក Arnold បានចាប់ផ្តើមតួនាទីថ្មីរបស់គាត់យ៉ាងពេញសិទ្ធិនៅថ្ងៃនេះ (ថ្ងៃអង្គារ) ខណៈពេលលោក Woodward បានចាកចេញពីការងាររបស់គាត់ជាអនុប្រធានប្រតិបត្តិរបស់ក្លឹប៕
