GOAL ឲ្យដឹងថា FC Barcelona កំពុងធ្វើការលើផែនការរៃអង្គាសប្រាក់ចំនួន ១០០ លានអឺរ៉ូ ដើម្បីផ្តល់មូលនិធិក្នុងការចុះហត្ថលេខាលើខ្សែប្រយុទ្ធ Borussia Dortmund កីឡាករ Erling Haaland ក្នុងរដូវក្តៅ។
Dortmund ទំនងជានឹងអាចទទួលបានមកវិញយ៉ាងធំធេងលើការវិនិយោគដំបូងរបស់ពួកគេក្នុងទឹកប្រាក់ ២០ លានអឺរ៉ូ សម្រាប់ Haaland ចាប់តាំងពីបាននាំយកគាត់ពីក្រុម Red Bull Salzburg ក្នុងខែមករា ឆ្នាំ ២០២០ ដោយកីឡាករសញ្ជាតិន័រវេសរូបនេះ បានស៊ុតបញ្ចូលទីបាន ៨០ គ្រាប់ក្នុងការបង្ហាញខ្លួន ៧៩ លើកដំបូងរបស់គាត់។
ការបង្ហាញខ្លួនរបស់ Haaland បានទាក់ទាញការចាប់អារម្មណ៍ពីក្លឹបធំៗក្នុងពិភពលោក រួមទាំង Barca ផងដែរ ដែលប្តេជ្ញាឈ្នះការប្រកួតសម្រាប់ការចុះហត្ថលេខារបស់គាត់នៅចុងឆ្នាំនេះ។
គួររំលឹកថា Dortmund ធ្លាប់បានបញ្ជាក់ហើយថា Haaland នឹងមិនត្រូវបានលក់ក្នុងទីផ្សារដោះដូរកីឡាករនាពេលបច្ចុប្បន្ននេះទេ ប៉ុន្តែមិនអាចបដិសេធពីលទ្ធភាពនៃការលក់នៅចុងរដូវកាលនេះទេ។
យ៉ាងណាមិញ កីឡាករវ័យ ២១ ឆ្នាំរូបនេះ នឹងនៅសល់តែ ២ ឆ្នាំទៀតលើកិច្ចសន្យារបស់គាត់នៅពេលនេះ ហើយ Barca ឥឡូវនេះកំពុងធ្វើការយ៉ាងខ្លាំងដើម្បីធ្វើឱ្យប្រាកដថា ពួកគេមានថវិការគ្រប់គ្រាន់សម្រាប់ការដាក់សំណើជាផ្លូវការ។
គួរជម្រាបថាក្លឹបដូចជា Real Madrid, Paris Saint-Germain, Manchester City និង Manchester United ក៏ត្រូវបានផ្សារភ្ជាប់ជាមួយនឹង Haaland ផងដែរ ប៉ុន្តែ Barca បានចាត់វិធានការចាំបាច់រួចហើយ ដើម្បីមើលឃើញការប្រកួតប្រជែងរបស់ពួកគេ និងជាការផ្ទេរដ៏ធំបំផុតមួយនៅក្នុងការចងចាំនាពេលថ្មីៗនេះ៕
