Real Madrid ត្រូវបានគេរាយការណ៍ថាកំពុងប្រឹងប្រែងយ៉ាងខ្លាំង ក្នុងការរកវិធីសាស្ត្រដើម្បីចុះហត្ថលេខាទិញ Erling Haaland ពី Borussia Dortmund។
យោងតាមរបាយការណ៍របស់គេហទំព័រ El Nacional បានឱ្យដឹងថាក្រុមនៅ Bundesliga កំពុងស្នើសុំកីឡាករ Los Blancos ចំនួនបីនាក់ ជាថ្នូរនឹងកីឡាករសញ្ជាតិន័រវេសរបស់ពួកគេ។
ទោះជាយ៉ាងណាក៏ដោយ ការកំណត់គោលដៅលើកីឡាកររបស់ Dortmund ហាក់បីដូចជាខ្លាំង ដោយក្លឹបចង់ឲ្យកំពូលតារាឆ្នើមវ័យក្មេងទាំងពីរចាប់ដៃគូជាមួយគ្នាគឺ Haaland និង Kylian Mbappe ។
របាយការណ៍មួយផ្សេងទៀតបានឲ្យដឹងថា កិច្ចព្រមព្រៀងមួយសម្រាប់កីឡាករសញ្ជាតិបារាំង ដើម្បីផ្លាស់ទៅរដ្ឋធានីអេស្ប៉ាញ ត្រូវបានគេរាយការណ៍ថា បានព្រមព្រៀងដោយរង់ចាំការប្រកាសជាផ្លូវការ។
បញ្ជាក់ផងដែរថា កីឡាករទាំងបីនាក់របស់ Real Madrid ដែលក្លឹប Borussia Dortmund ចង់បានមានដូចជា៖ Luka Jovic, Miguel Gutierrez និង Eduardo Camavinga៕
