កីឡាករឆ្នើម Thomas Muller របស់ Bayern Munich ត្រូវបានគេរាយការណ៍ថា ជាគោលដៅសម្រាប់ក្លឹបនៅ Premier League ចំនួនពីរគឺ Everton និង Newcastle United ។
យោងតាមអ្នកកាសែត Christian Falk បានឲ្យដឹងថាភាគ្គីខាង Toffees និង Magpies ចាប់អារម្មណ៍ក្នុងការនាំយក Muller ទៅកាន់ប្រទេសអង់គ្លេស។ បញ្ជាក់ផងដែរថាកិច្ចសន្យារបស់កីឡាករសញ្ជាតិអាឡឺម៉ង់រូបនេះ នឹងផុតកំណត់នៅរដូវក្តៅឆ្នាំ ២០២៣ ហើយមិនទាន់មានព័ត៌មានអំពីការបន្តកុងត្រានៅឡើយទេ។ ទោះបីជាយ៉ាងណាក៏ដោយ វាក៏ហាក់ដូចជាមិនទំនងដែរ ដែលគាត់នឹងចាកចេញពី Bayern នៅក្នុងទីផ្សារដោះដូរកីឡាករដែលកំពុងបន្ត។
Everton និង Newcastle ត្រូវការខ្លាំងសម្រាប់កីឡាករឆ្នើមដើម្បីពង្រឹងក្រុមរបស់ពួកគេ។ ក្រុមរបស់លោក Eddie Howe កំពុងស្ថិតក្នុងតំបន់ត្រូវកាត់ចោលនៅ Premier League។ ទន្ទឹមនឹងនេះដែរ លទ្ធផលនាពេលថ្មីៗនេះរបស់ Everton បានធ្វើឱ្យពួកគេស្ថិតក្នុងគ្រោះថ្នាក់ ក្នុងការធ្លាក់ចូលទៅក្នុងក្រុមបាតតារាងទាំងបីផងដែរ។ សម្រាប់ភាគីទាំងពីរត្រូវបានផ្សារភ្ជាប់ជាមួយនឹងកិច្ចព្រមព្រៀងខ្ចីជើងសម្រាប់កីឡាករ Jesse Lingard របស់ Manchester United ៕
