ក្រុម Atletico Madrid បានយកឈ្នះលើ Rayo Majadahonda ៥-០ នៅកីឡដ្ឋាន Estadio Wanda Metropolitano ក្នុងពានរង្វាន់ Copa del Rey កាលពីយប់ថ្ងៃព្រហស្បតិ៍ ប៉ុន្តែមានដំណឹងអាក្រក់មួយនៅពេលដែលកីឡាករ Antoine Griezmann បានរងរបួសនៅក្នុងតង់ទីពីរ។
កីឡាករសញ្ជាតិបារាំងរូបនេះ បានត្រលប់មកវិញពីរបួសក្នុងការប្រកួតទល់នឹងក្រុម Real Madrid កាលពីខែធ្នូ ខណៈដែលរូបគេបានចូលដល់តង់ទី១ ដើម្បីរកគ្រាប់បាល់ទីបួនរបស់ Los Rojiblancos។
យ៉ាងណាមិញ ក្រុមគ្រូពេទ្យបានបញ្ជាក់ថា Griezmann បានឆ្លងកាត់ការធ្វើតេស្តកាលពីថ្ងៃសុក្រ ដែលបានបញ្ជាក់ថា គាត់បានរងរបួសភ្លៅខាងស្តាំរបស់គាត់ឡើងវិញ។
គួររំលឹកថា Antoine Griezmann បានទទួលរងរបួសសាច់ដុំនៅភ្លៅស្តាំរបស់គាត់ និងបានសម្រាកព្យាបាលអស់ជាច្រើនខែ ដែលទើបនឹងបានចូលរួមប្រកួតវិញក្នុងសប្តាហ៍នេះ។
ទោះជាយ៉ាងណា Atletico មិនបានបញ្ជាក់នៅឡើយទេ អំពីរយៈពេលដែលកីឡាករវ័យ ៣០ ឆ្នាំរូបនេះ នឹងអវត្តមានក្នុងការប្រកួត LaLiga Santander របស់ក្លឹបនៅក្រៅទឹកដី Villarreal នៅថ្ងៃអាទិត្យ ហើយភាគច្រើនទំនងជាការប្រកួត Supercopa de Espana ផងដែរ៕
