កំពង់ធំ៖ កាលពីម៉ោងប្រមាណ ៤រសៀល ថ្ងៃទី៦ ខែមករា ឆ្នាំ២០២២ មានករណីក្មេងប្រុសអាយុ ១១ខែម្នាក់ បានស្លាប់ដោយសារដើមដូងរលំដួលសង្កត់ស្លាប់ នៅចំណុចផ្ទះក្មេងប្រុសរងគ្រោះ ស្ថិតនៅភូមិខ្សាច់ល្អិត ឃុំចុងដូង ស្រុកបារាយណ៍ ខេត្តកំពង់ធំ។
បើតាមប្រភពពីកន្លែងកើតហេតុបានអោយដឹងថាក្មេងប្រុសរងគ្រោះមានអាយុ ១១ខែ មានឪពុកឈ្មោះ ដំ និងម្តាយឈ្មោះ ឈុន។ នៅម៉ោងកើតហេតុខាងលើខណៈឪពុកម្តាយក្មេងប្រុសរងគ្រោះបានទៅទិញកង់រុញពីផ្សារកំពង់ថ្មឲ្យកូនដើមងាយស្រួលនិងរុញទៅរុញមក លុះទិញយកមកដល់ផ្ទះមួយសន្ទុះ ពីរនាក់ប្តីប្រពន្ធក៏នាំគ្នាឡើងផ្ទះ ដោយទុកកូនប្រុសនៅនិងដីឲ្យក្មួយដែលដែលមានអាយុ៧ទៅ៨ឆ្នាំរុញកង់ទៅមកទៅមកដើម្បីកុំឲ្យក្មេងយំ មួយសន្ទុះក្រោយមកទៀត ក្មេងប្រុសដែលត្រូវបងជីដូនមួយនៃក្មេងប្រុងរងគ្រោះ បានទុកប្អូននៅលើកង់រុញក្បែរដើមដូង តែពេលនោះជាអកុសល ដើមដូងរលំគ្រាំង ឲ្យធាងដូងបោកចំក្មេងប្រុស បណ្តាលឲ្យស្លាប់។ ដើមដូងដែលដួលរលំនោះ គឺដូងឪពុកម្តាយរបស់ក្មេងប្រុសរងគ្រោះផ្ទាល់ គីដាក់ក្តាជញ្ជាំងផ្នែកនិងដើមដូង៕
