FIFA បានប្រកាសពីបេក្ខភាពបីរូបចុងក្រោយសម្រាប់ពានរង្វាន់អ្នកចាំទីបុរសល្អបំផុតប្រចាំឆ្នាំ ដោយមានឈ្មោះកីឡាករ Gianluigi Donnarumma, Edouard Mendy និង Manuel Neuer។
ការបោះឆ្នោតរកអ្នកឈ្នះ ត្រូវបានចូលរួមដោយ គ្រូបង្វឹកក្រុមបាល់ទាត់ ប្រធានក្រុម និងអ្នកសារព័ត៌មាន ដើម្បីជ្រើសយកអ្នកចាំទីដែលត្រូវបានគិតថាជោគជ័យបំផុត ក្នុងរដូវកាល ២០២០-២១ មុនពេលប្រកាសម្ចាស់ជ័យលាភី ក្នុងថ្ងៃទី១៧ ខែមករាខាងមុខ។
អ្នកចាំទីសម្បូរបទពិសោធន៍ Neuer ជាអ្នកការពារតំណែងម្ចាស់ពាននេះ បន្ទាប់ពីទទួលបានក្នុងឆ្នាំ២០២០ ហើយរំពឹងថាអាចយកពាននេះត្រលប់ទៅផ្ទះបានម្ដងទៀត បន្ទាប់ពីបានបង្ហាញគុណផលល្អសម្រាប់ Bayern Munich ដែលបានគ្រងជើងឯក Bundesliga។
យ៉ាងណាមិញ អ្នកចាំទី Donnarumma ក៏ទំនងជាអ្នកដែលអាចឈ្នះពាននេះផងដែរ ដោយសារគេបានរួមចំណែកយ៉ាងសំខាន់ ក្នុងការជួយក្រុមបាល់ទាត់ជម្រើសជាតិអ៊ីតាលី គ្រងតំណែងជើងឯក EURO 2020។
ដោយឡែក បេក្ខភាពចុងក្រោយមួយរូបទៀតគឺ អ្នកចាំទី Mendy ដែលបានជួយក្រុមដែលបង្វឹកដោយលោក Thomas Tuchel ឈ្នះពាន UEFA Champions League រដូវកាល ២០២០-២១៕
