បរទេស៖ ខ្សែការពារក្លឹបChelsea មានសិទ្ធិក្នុងការពិភាក្សាជាមួយនឹងក្លឹបបាល់ទាត់ផ្សេងទៀតនៅមុនកុងត្រាបញ្ចប់។
នេះបើយោងតាមការចេញផ្សាយរបស់ Sky Sport នៅថ្ងៃទី៤ ខែមករា ឆ្នាំ២០២២នេះ បានអោយដឹងថា Real Madrid, Paris Saint-Germain, Bayern Munich និង Juventus សុទ្ធតែបានធ្វើការទំនាក់ទំនងជាមួយនឹងកីឡាករ Antonio Rudiger។
ខ្សែការពារក្លឹប Chelsea រូននេះ អាចធ្វើការពិភាក្សាជាមួយនឹងក្លឹបផ្សេងទៀតបាន មុនពេលដែលកុងត្រារបស់គាត់នៅទឹកដី Stamford Bridge នឹងត្រូវបញ្ចប់នៅចុងរដូវកាលនេះ។
មានក្លឹបធំៗនៅតំបន់អឺរ៉ុបជាច្រើបានតាមសម្លឹងមើល និងចង់កីឡាករសញ្ជាតិអាឡឺម៉ង់រូបនេះ ក្នុងគោលបំណងយកគេចេញពីទឹកដីអង់គ្លេស៕
