កីឡាករច្រើនរូបក្នុងក្រុម Barcelona ត្រូវអវត្តមានសម្រាប់ការប្រកួតទល់នឹង Real Mallorca នាថ្ងៃទី ២ ខែមករា ឆ្នាំ២០២២ ខាងមុខនេះ ខណៈកីឡាករបីរូបបន្ថែមទៀតបានតេស្ដឃើញវិជ្ជមានកូវីដ-១៩។
លោក Xavi Hernandez ប្រឈមនឹងបញ្ហាលំបាក ដោយសារសមាជិកមួយចំនួនធំ មិនអាចចូលរួមបាន ដោយសារកូវីដ-១៩ បញ្ហារបួស និងការជាប់បម្រាមប្រកួត។
ដូចទៅនឹងក្លិបជាច្រើនក្នុងក្របខណ្ឌ La Liga ក្លិបអ្នកមានបុណ្យក៏ទទួលរងផលប៉ះពាល់ ពីការកើនឡើងនៃអត្រាឆ្លងករណីកូវីដ-១៩ បម្លែងថ្មី Omicron។
Dani Alves, Clement Lenglet, Jordi Alba និង Alejandro Balde ជាអ្នកតេស្ដឃើញវិជ្ជមានមុនគេ ហើយបន្ទាប់មក Ousmane Dembele, Samuel Umtiti និង Gavi ក៏បានឆ្លងផងដែរ។
Ansu Fati, Pedri, Memphis Depay, Martin Braithwaite និង Sergi Roberto មានបញ្ហារបួស ខណៈ Sergio Busquets ជាប់បម្រាម។
កីឡាករ Barcelona ក្នុងក្រុមធំដែលអាចលេងបានក្នុងជំនួបទល់នឹង Real Mallorca មានដូចជា៖
– អ្នកចាំទី: Marc-Andre ter Stegen, Neto, Inaki Pena
– ខ្សែការពារ: Sergino Dest, Gerard Pique, Ronald Araujo, Oscar Mingueza, Eric Garcia
– ខ្សែបម្រើ: Riqui Puig, Philippe Coutinho, Frenkie de Jong
– ខ្សែប្រយុទ្ធ: Luuk de Jong
