ខ្សែការពារក្រុមជម្រើសជាតិអ៊ីតាលី កីឡាករ Leonardo Bonucci បានផ្ញើសារព្រមានទៅកាន់កីឡាករ Cristiano Ronaldo សម្រាប់ការប្រកួត Play-Off ដណ្តើមយកកៅអីទៅលេងព្រឹត្តិការណ៍ World Cup ឆ្នាំ២០២២ នៅប្រទេសកាតា។
ពិតណាស់ ក្រុមជម្រើសជាតិអ៊ីតាលី និងក្រុមជម្រើសជាតិព័រទុយហ្កាល់ នឹងត្រូវប៉ះគ្នាដើម្បីប្រជែងយកក្រុមមួយចំនួនប៉ុណ្ណោះឡើងទៅកាន់ព្រឹត្តិការណ៍ World Cup ២០២២ ប្រសិនបើក្រុមទាំងពីរអាចយកឈ្នះគូប្រកួតរបស់ខ្លួនក្នុងការប្រកួតជុំទី១ ខណៈ Bonucci ជឿជាក់ថា ក្រុមរបស់ខ្លួននឹងយកឈ្នះទៅលើ ព័រទុយហ្កាល់ ប្រសិនបើជំនួបខាងលើពិតជាអាចកើតឡើង។
ថ្លែងនៅក្នុងបទសម្ភាសន៍ Bonucci បាននិយាយថា៖ «ពួកយើងនឹងរង់ចាំមើលថា នឹងមិនមានរឿងអ្វីកើតឡើងនៅលើទីលាន។ Ronaldo ដឹងច្បាស់ហើយ ថាគាត់នឹងត្រូវរងនូវភាពឈឺចាប់។ ពួកយើងនឹងផ្តោតទៅលើការប្រកួតឲ្យបានល្អ ហើយខ្ញុំជឿជាក់ថាយើងនឹងធ្វើបានល្អក្នុងពីរប្រកួតនេះ»៕
