ខ្សែប្រយុទ្ធ Pierre-Emerick Aubameyang របស់ក្លឹបកាំភ្លើងធំ Arsenal ត្រូវបានដកចេញពីតំណែងប្រធានក្រុម បន្ទាប់ពីបំពានវិន័យក្លឹបកាលពីសប្តាហ៍មុន។
Aubameyang បានខកខានការប្រកួតក្នុងផ្ទះរបស់ក្លឹបជាមួយក្រុម Southampton នៅថ្ងៃសៅរ៍បន្ទាប់ពីការបំពាន។ ហើយឥឡូវនេះក្រុមកាំភ្លើងធំបានបញ្ជាក់ថា គាត់នឹងមិនមានវត្តមានសម្រាប់ការប្រកួត Premier League នៅថ្ងៃពុធជាមួយក្រុម West Ham United នៅកីឡដ្ឋាន Emirates ឡើយ។
នៅក្នុងសេចក្តីថ្លែងការណ៍មួយដែលបានចេញផ្សាយនៅលើគេហទំព័រផ្លូវការរបស់ពួកគេ Arsenal បាននិយាយថា៖ «បន្ទាប់ពីការរំលោភបំពានវិន័យចុងក្រោយរបស់គាត់កាលពីសប្តាហ៍មុន Pierre-Emerick Aubameyang នឹងលែងជាប្រធានក្លឹបរបស់យើង ហើយនឹងមិនត្រូវបានគេពិចារណា ក្នុងការជ្រើសរើសសម្រាប់ការប្រកួតនៅថ្ងៃពុធ ជាមួយនឹងក្រុម West Ham United ឡើយ»៕
