កីឡាករ Christian Eriksen បានចាប់ផ្តើមការហ្វឹកហាត់នៅប្រទេសដាណឺម៉ាកវិញហើយ មុនពេលការត្រលប់មកវិញដ៏មានសក្តានុពល។
គួររំលឹកថា ខ្សែប្រយុទ្ធវ័យ ២៩ ឆ្នាំរូបនេះ បានចំណាយពេលជាច្រើនខែក្នុងការជាសះស្បើយឡើងវិញ បន្ទាប់ពីគាត់បានទទួលរងការគាំងបេះដូងនៅលើទីលាន អំឡុងពេលប្រកួតរបស់ដាណឺម៉ាកជាមួយហ្វាំងឡង់នៅ Euro ២០២០ ក្នុងខែមិថុនា។
ខ្សែបម្រើរូបនេះ តម្រូវឱ្យធ្វើការវះកាត់ ដើម្បីបំពាក់ឧបករណ៍ជំនួយបេះដូង (ICD) ក្នុងអំឡុងពេលហ្វឹកហាត់ ប៉ុន្តែគាត់មិនត្រូវបានអនុញ្ញាតឱ្យលេងឱ្យក្លឹបបច្ចុប្បន្នរបស់គាត់នៅ Inter Milan នៅឡើយទេ ដោយសារតែច្បាប់វេជ្ជសាស្ត្រនៅក្នុងបាល់ទាត់អ៊ីតាលី។
យោងតាម BT បានឲ្យដឹងថា នៅក្នុងប្រទេសដាណឺម៉ាក Eriksen បាននិងកំពុងប្រើប្រាស់សម្ភារៈបរិក្ខារពេទ្យនៅក្លឹបអតីតសាលា Odense Boldklub (OB) របស់គាត់ ហើយបានហ្វឹកហាត់ជាមួយអ្នកបង្ហាត់ផ្ទាល់ខ្លួន ដើម្បីបង្កើនកាយសម្បទារបស់គាត់៕
