កណ្តាល៖ សមត្ថកិច្ចបានធ្វើការឃាត់ខ្លួនក្រុមចោររទេះ ដែលតែងតែធ្វើសកម្មភាពលួចនៅពេលយប់ ហើយប្រទះអីលួចហ្នឹងត្រូវបានបងត្រូវបានបង្ក្រាបមួយក្រុម ដែលមានគ្នា ៣នាក់ បន្ទាប់ពីធ្វើសកម្មភាពលួចដែកក្លោងទ្វាររបងផ្ទះ កាលពីវេលាម៉ោងប្រមាណ ៣:៣០នាទីទាបភ្លឺ ថ្ងៃទី២ ខែធ្នូ ឆ្នាំ២០២១ នៅចំនុចភូមិព្រែកហូរកេីត១ សង្កាត់ព្រែកហូរ ក្រុងតាខ្មៅ ខេត្តកណ្តាល។
ក្នុងនោះជនរងគ្រោះមានឈ្មោះ ស៊ុន សុវណ្ណ ភេទប្រុស អាយុ ៤៦ឆ្នាំ ជនជាតិខ្មែរ ទីលំនៅភូមិព្រែកហូរកើត១ សង្កាត់ព្រែកហូរ ក្រុងតាខ្មៅ ខេត្តកណ្តាល មុខរបរលក់បន្លែ។ ចំណែកជនសង្ស័យ៣នាក់ដែលឃាត់ខ្លួនបានមានឈ្មោះ ស្រៀង ដួង ភេទស្រី អាយុ ២៩ឆ្នាំ ជនជាតិខ្មែរ ស្នាក់នៅសង្កាត់ចាក់អង្រែលើ ខ័ណ្ឌមានជ័យ រាជធានីភ្នំពេញ មុខរបរមិនពិតប្រាកដ, ឈ្មោះ ហែម វណ្ណៈ ហៅធី ភេទប្រុស អាយុ ៣៤ឆ្នាំជនជាតិខ្មែរ ស្នាក់នៅភូមិជើងឯក សង្កាត់ជើងឯក ខ័ណ្ឌដង្កោ រាជធានីភ្នំពេញ មុខរបរមិនពិតប្រាកដ និងម្នាក់ទៀតឈ្មោះ សុខ ប្រុស ភេទប្រុស អាយុ ៣០ឆ្នាំ ជនជាតិខ្មែរ ទីលំនៅភូមិព្រៃធំ ឃុំព្រៃធំ ស្រុកកៀនស្វាយ ខេត្តកណ្តាល មុខរបរមិនពិតប្រាកដ។
ក្នុងនោះវត្ថុតាងចាប់យកបានរួមមានម៉ូតូ១គ្រឿងម៉ាកHONDA125ពណ៌ខ្មៅសេរី២០០៥ពាក់ផ្លាកលេខភ្មំពេញ1N8739, រទេះអូសធ្វេីពីដែកពណ៌ខៀវចំនួន១, ដែកបួនជ្រុងឆ្នៃជាក្លោងទ្វារមានបណ្តោយ២,៥០ម៉ែត្រ ទទឹង២ម៉ែត្រចំនួន៦កំណាត់(របស់ជនរងគ្រោះ), ប៊ីដុងជ័រចំណុះ៣០លីត្រចំនួន៣, ទូរសព្ទដៃចំនួន៣គ្រឿង(ម៉ាកSAMSUNGពណ៌១, ម៉ាកNOKIA Nចុចពិល១, មិនស្គាល់ម៉ាក១) និងកាបូស្ពាយពណ៌សូកូឡាចំនួន១ ។
សភាពនៃរឿងហេតុគឺថានៅវេលាកេីតហេតុខាងលេី ពេលដែលជនរងគ្រោះនិងក្រុមគ្រួសារកំពុងតែដេកនៅក្នុងផ្ទះរបស់ខ្លួន។ ពេលនោះស្រាប់តែក្រុមជនសង្ស័យបានធ្វេីសកម្មភាពលួចយកដែកក្លោងទ្វារដែលជនរងគ្រោះទុកនៅមុខផ្ទះ លេីកដាក់លេីរទេះអូសដោយម៉ូតូក៏ត្រូវជនរងគ្រោះឃេីញទាន់បាននាំគ្នាចាប់ឃាត់ខ្លួនរួមទាំងវត្ថុតាងប្រគល់ជូនសមត្ថកិច្ចយកមកសាកសួរនៅប៉ស្តិ៍រួចបញ្ជូនបន្តមកកាន់អធិការដ្ឋាននគរបាលក្រុងតាខ្មៅដេីម្បីចាត់ការតាមនីតិវិធី។
សូមបញ្ជាក់ថាកន្លងមកប្រជាពលរដ្ឋនៅក្នុងសង្កាត់ព្រែកហូរធ្លាប់បាត់សម្ភារ:ប្រេីប្រាស់ផ្សេងៗជាច្រេីនដូចជា:តុ កៅអី ឆ័ត្រ ឈ្នួរខោអាវ ជាដេីមដោយសារក្រុមជនសង្ស័យដែលមានរ៉ឺម៉កដឹកលួចពេលយប់៕
ប្រភព៖ អធិការដ្ឋាននគរបាលក្រុងតាខ្មៅ
