Zlatan Ibrahimovic មិនដែលខ្លាចក្នុងការនិយាយពីគំនិតរបស់គាត់ឡើយ ហើយគាត់បានប្រាប់ពីរបៀបដែលគាត់ធ្លាប់បានណែនាំ Kylian Mbappe ឱ្យចុះហត្ថលេខាជាមួយ Real Madrid បើទោះជាពេលនោះគាត់ក៏បានព្រមានប្រធានក្លឹប PSG លោក Nasser Al-Khelaifi មិនឱ្យលក់កីឡាករឆ្នើមរូបនេះក៏ដោយ។
ខ្សែប្រយុទ្ធស៊ុយអែតបានចំណាយពេល ៤ ឆ្នាំនៅទីក្រុងប៉ារីស ប៉ុន្តែគាត់បានចាកចេញមួយឆ្នាំមុនពេល Mbappe មកដល់ពីក្លឹប Monaco ។ Ibrahimovic បានប្រាប់កាសែតអ៊ីតាលី Corriere della Sera ថា «វាជាការពិតដែលខ្ញុំបានណែនាំ Mbappe ឱ្យចាកចេញពីក្លឹប»។ «គាត់ត្រូវការបរិយាកាសដែលល្អដូចជាក្លឹប Real Madrid»។
ប៉ុន្តែបន្ទាប់មក ខ្ញុំបានប្រាប់ប្រធានក្លឹប PSG ថាកុំឲ្យលក់គាត់។ នៅក្នុងបទសម្ភាសន៍ Ibrahimovic ក៏បាននិយាយអំពីពេលវេលាសំខាន់ៗផ្សេងទៀត នៅក្នុងអាជីពរបស់គាត់ ដូចជាការសម្រេចចិត្តរបស់គាត់ក្នុងការត្រលប់ទៅប្រទេសអ៊ីតាលីវិញ បន្ទាប់ពីបញ្ចប់នៅលីសហរដ្ឋអាមេរិក MLS ដែលជាកន្លែងគាត់សារភាពថា គាត់បានពិចារណាចូលនិវត្តន៍។
Ibrahimovic បាននិយាយថា «បន្ទាប់ពីបានឃើញភាពយន្តឯកសារអំពី Diego Maradona ខ្ញុំបានសម្រេចចិត្តទៅ Napoli ដើម្បីឈ្នះពានរង្វាន់ Scudetto»។ «ខ្ញុំធុញទ្រាន់នឹងសហរដ្ឋអាមេរិក ខ្ញុំថែមទាំងគិតចង់បោះបង់វាចោល ប៉ុន្តែ Mino Raiola បានប្រាប់ខ្ញុំថា «អ្នកឆ្កួត អ្នកត្រូវតែត្រលប់ទៅអ៊ីតាលីវិញ» គាត់យល់ព្រមគ្រប់យ៉ាងជាមួយ Napoli ប៉ុន្តែបន្ទាប់មកម្ចាស់ក្លឹបលោក Aurelio De Laurentiis បានបណ្តេញអ្នកចាត់ការលោក Carlo Ancelotti ហើយអ្វីៗបានផ្លាស់ប្តូរ។
«បន្ទាប់មកខ្ញុំបានសួរ Mino ថាតើក្រុមណាដែលអាក្រក់បំផុតដែលខ្ញុំអាចផ្លាស់ប្តូរទៅ0x017d7 គាត់បានឆ្លើយថា AC Milan ចាញ់ ៥-០ នៅ Bergamo ទល់នឹង Atalanta កាលពីម្សិលមិញ ហើយខ្ញុំបាននិយាយថា សម្រេចចិត្តហើយ តោះទៅ AC Milan»៕
សូមទស្សនាវីដេអូខាងក្រោម៖
