អតីតខ្សែការពារស្ដាំរបស់ West ham លោក Glen Johnson ផ្តាំទៅ Jesse Lingard ប្រញាប់រើបង្វិចចេញក្លឹប Man Utd ជាបន្ទាន់ ដ្បិតអីសុពលភាពកុងត្រាត្រូវផុតនៅចុងខែមិថុនា ឆ្នាំ ២០២២ ខាងមុខ ពោលគួរតែប្រញាប់ផ្លាស់ទៅទ្រនំថ្មី ត្រឹមទីផ្សារដោះដូរខាងមុខ។
ខ្សែបម្រើស្លាបអង់គ្លេសវ័យ ២៨ ឆ្នាំរូបនេះ ក៏មិនទាន់សម្រេចច្បាស់ការដែរ អំពីអនាគតរបស់ខ្លួន ហើយទាក់ទងនឹងរឿងបន្តកុងត្រាថ្មី គឺមានភាគរយទាបណាស់ ដែលអាចកើតឡើងទៅបាន។
យ៉ាងណាមិញលោក Johnson បានយល់ឃើញថា ការសម្រេចចិត្តផ្ទេរទៅក្លឹប West Ham United គឺជារឿងដែលគួរតែធ្វើ នៅពេលដ៏ខ្លីខាងមុខ។
លោក Johnson និយាយថា «នៅ West Ham យើងបានឃើញពីភាពរីករាយរបស់ Lingard ជាមួយបាល់ទាត់ ហើយទម្រង់លេងដ៏ល្អរបស់គេ ក៏ត្រលប់មកវិញដែរ។ ដោយតម្លៃត្រឹម ១០ លានផោនអី គឺវាជារឿងអស់សំណើច តើអ្នកអាចទៅយកកីឡាករនៅកម្រិតហ្នឹងបានដោយរបៀបណា ពេលនេះ0x017d7 អ៊ីចឹង សម្រាប់តម្លៃខ្លួន Lingard គឺសមរម្យហើយ»។
«ដូច្នេះហើយ បើក្លឹបអាចយក Lingard ហើយគេដឹងច្បាស់ពីក្លឹប គេស្គាល់ពីក្លឹប និងគួបផ្សំនៅភាពល្អប្រសើរដែល West Ham កំពុងបង្ហាញពេលនេះផង វាជារឿងល្អបំផុតហើយ ខ្ញុំគិតថាគេគួរទៅជាជាងគិតដល់ការផ្ទេរទៅក្លឹប Newcastle ដែលប្រឈមហានិភ័យខ្ពស់»៕
