វីរបុសក្រុមកាំភ្លើងធំលោក Thierry Henry បានជំរុញលើកទឹកចិត្តឱ្យ Arsenal ប្រឹងប្រែងផ្តួលគូប្រជែង Premier League គឺ Manchester United ហើយនិយាយថាគាត់ចង់ឃើញ «ការកែលម្អ» បន្ថែមទៀតពីក្រុមរបស់ Mikel Arteta។
បន្ទាប់ពីចាប់ផ្តើមរដូវកាលដ៏គួរឱ្យសោកស្ដាយ Arsenal បានឈ្នះការប្រកួតចំនួន ១០ ក្នុងចំណោម ១២ ប្រកួតចុងក្រោយរបស់ពួកគេនៅក្នុងការប្រកួតទាំងអស់ ដើម្បីឡើងមកឈរនៅលេខ ៥ ក្នុងតារាង ដែលមានមួយពិន្ទុនៅក្រៅក្រុម Champions League ជាមួយនឹងការប្រកួតនៅក្នុងដៃ។
Henry ទទូចថា Arteta កំពុងបំពេញការងារបានល្អហើយ ខណៈដែលកំណត់ត្រាថ្មីៗរបស់ក្រុមត្រូវបានលើកសរសើរ ដោយការប្រកួតដ៏អំណោយផលមួយចំនួន ហើយនិយាយថា Arsenal ចាំបាច់ត្រូវចាប់ផ្តើមផ្តួលគូប្រជែងកំពូលទាំងបួនរបស់ពួកគេ។
គួររំលឹកថា ការបរាជ័យតែមួយគត់របស់ Arsenal ចាប់តាំងពីខែសីហាមក ដោយហង្សក្រហម Liverpool ក្នុងលទ្ធផល ៤-០ នៅ Anfield ហើយ Henry ចង់ឱ្យអតីតក្លឹបរបស់គាត់ចាប់ផ្តើមតស៊ូរ ធ្វើការវាយលុកដណ្តើមយកភាពខ្លាំងនៅ Premier League ត្រឡប់មកវិញ។
នៅពេលសួរអំពីទម្រង់ថ្មីរបស់ Arsenal លោក Henry បានប្រាប់ Prime Video ថា៖ «វាបង្ហាញថាយើងអាចយកឈ្នះ Newcastle នៅក្នុងផ្ទះ។ យើងអាចយកឈ្នះ Burnley យើងអាចយកឈ្នះ Aston Villa មុនពេល Steven Gerrard មកដល់។ យើងអាចយកឈ្នះ Leicester ដោយមានការគ្រប់គ្រងបាល់ត្រឹមតែ ២៧%។
»ខ្ញុំគិតថាយើងឈ្នះលើក្រុមទាំងនោះ ហើយខ្ញុំមិនទៅណាទេ ខ្ញុំនឹងរង់ចាំ Arsenal ទទួលបានជ័យជំនះនៅសប្តាហ៍នេះ»៕
