វីរបុរសក្រុមហង្សក្រហម Liverpool លោក Graeme Souness បានរិះគន់ក្រុម Manchester United ហើយបាននិយាយថា ការគ្រប់គ្រងរបស់ពួកគេគឺ “មហន្តរាយ” ។ គាត់ក៏បានបន្ថែមកាន់តែធ្ងន់ជាងជាងមុន ដោយបាននិយាយថា Man Utd គឺជាក្លឹបដែលកំពុងលិចលង់។
ការចាកចេញរបស់លោក Sir Alex Ferguson បានបន្សល់ទុកនូវចន្លោះប្រហោងដ៏ធំមួយ ដែលបិសាចក្រហមមិនអាចបំពេញបាន។ Manchester United បានធ្លាក់ចេញពីក្របខ័ណ្ឌ Champions League ក្នុងចំនួនបួនក្នុងចំណោមរដូវកាលចុងក្រោយចំនួនប្រាំបី ចាប់តាំងពីពេលនោះមក។
Manchester United បានឈ្នះពានរង្វាន់ចំនួនបីក្រោមការដឹកនាំរបស់លោក Jose Mourinho ក្នុងឆ្នាំ ២០១៦/១៧ ។ ពួកគេបានឈ្នះពាន EFL Cup, Community Shield និង Europa League ។
លោក Ole Gunnar Solskjær ត្រូវបានបណ្តេញចេញពីតំណែងកាលពីប៉ុន្មានថ្ងៃមុន ហើយ Manchester United បានតែងតាំងលោក Ralf Rangnick ជាអ្នកគ្រប់គ្រងបណ្តោះអាសន្នថ្មីរបស់ពួកគេ។
ទោះជាយ៉ាងណាក៏ដោយ Souness បានប្រាប់ talkSPORT ពីរបៀបដែលបិសាចក្រហមមិនមាននរណាម្នាក់ហ៊ានទទួលខុសត្រូវចំពោះក្លឹប។ នេះជាអ្វីដែលគាត់បាននិយាយ៖ «ខ្ញុំមើលទៅ Manchester United ធ្វើការដោយគ្មានភាពល្អិតល្អន់។ បិសាចក្រហមជាក្លឹបបាល់ទាត់ដ៏ធំបំផុតក្នុងពិភពលោក នៅពេលដែលអ្នកដឹកនាំជោគជ័យ អ្នកគាំទ្រនឹងសប្បាយរីករាយ ប៉ុន្តែពេលនេះពួកគេកំពុងមិនសប្បាយចិត្ត ។ ខ្ញុំគិតថាបិសាចក្រហមកំពុងត្រូវបានគ្រប់គ្រងមិនត្រឹមត្រូវ។ ខ្ញុំមិនមែនគ្រាន់តែនិយាយអំពី Ole, Mourinho មុននោះ និង Van Gaal ទេ ខ្ញុំមិននិយាយអំពីអ្នកទាំងនោះទេ»៕
