អតីតអ្នកចាំទីជម្រើសជាតិអង់គ្លេស Paul Robinson បានសរសើរខ្សែបម្រើ Scott McTominay របស់ Manchester United ចំពោះការលេងរបស់គាត់ក្នុងលទ្ធផលស្មើ ១-១ ជាមួយ Chelsea កាលពីចុងសប្តាហ៍។
McTominay បានបញ្ចេញពន្លឺនៅក្នុងតំបន់បម្រើរបស់ Manchester United ហើយត្រូវបានគេដាក់ឈ្មោះថា Man of the Match សម្រាប់ការបង្ហាញទម្រង់លេងរបស់គាត់ទល់នឹងក្រុមកំពូលតារាង Chelsea ។
លោក Robinson បាននិយាយទៅកាន់ Football Insider ថា៖ «បិសាចក្រហម បានបង្កើតតំបន់ការពារយ៉ាងរឺងមាំកាលពីថ្ងៃអាទិត្យ។ ខ្ញុំគិតថាវាជាការប្រកួតដ៏ល្អបំផុតរបស់ McTominay ក្នុងអាវរបស់ United។ គាត់មានការបំលាស់ទីច្រើន គាត់បានជួយការពារតំបន់ខាងក្រោមយ៉ាងល្អពិសេសចំនួន ៤ ដង។ នៅក្នុង ២០ នាទីចុងក្រោយ Man Utd បានលេងការពារចំនួន ៦នាក់ ។ McTominay លេងបានល្អណាស់» ៕
Jadon Sancho បានបើកការស៊ុតបញ្ចូលទីសម្រាប់ក្រុម Manchester United បន្ទាប់ពីកំហុសរបស់ Jorginho ។ យ៉ាងណាមិញ ខ្សែបម្រើ Chelsea បានលុបលាងកំហុសខ្លួនឯង ដោយរកគ្រាប់បាល់តាមស្មើតាមរយៈបាល់ប៉េណាល់ទី។
ក្នុងលទ្ធផលស្មើនេះបានធ្វើឱ្យ Manchester United ឈរនៅលេខរៀងទី៨ ដោយមាន ៥ពិន្ទុដាច់ពីក្រុមកំពូលតារាងទាំង៤ ខណៈ Chelsea បន្តឈរកំពូលតារាង។ បញ្ជាក់ផងដែរថា បិសាចក្រហមនឹងធ្វើជាម្ចាស់ផ្ទះទទួលក្រុម Arsenal នៅ Old Trafford នៅថ្ងៃព្រហស្បតិ៍៕
