Manchester United ត្រូវបានគេរាយការណ៍ថា បានបើកការពិភាក្សាជាមួយអតីតគ្រូបង្វឹក Barcelona លោក Ernesto Valverde ដើម្បីធ្វើជាអ្នកគ្រប់គ្រងបណ្តោះអាសន្នរបស់ក្លឹប រហូតដល់ចុងបញ្ចប់នៃយុទ្ធនាការនេះ។ ប្រសិនបើ Mauricio Pochettino មិនអាចផ្លាស់ទៅ Old Trafford ក្នុងយុទ្ធនាការនេះ។
ក្រុមបិសាចក្រហម កំពុងស្វែងរកអ្នកចាត់ការថ្មី បន្ទាប់ពីការបណ្តេញលោក Ole Gunnar Solskjaer កាលពីថ្ងៃអាទិត្យ។ ក្នុងនោះជាមួយគ្រូបង្វឹក Paris Saint-Germain លោក Mauricio Pochettino ត្រូវបានក្លាយជាជម្រើសដំបូងរបស់ពួកគេផងដែរ។
លោក Pochettino នៅតែស្ថិតក្រោមកិច្ចសន្យាជាមួយ PSG ហើយបិសាចក្រហមកំពុងស្វែងរកគំនិត នៃការតែងតាំងគ្រូបង្វឹកបណ្តោះអាសន្ន សម្រាប់រយៈពេលដែលនៅសល់នៃរដូវកាលបច្ចុប្បន្ន។
យ៉ាងណាមិញ លោក John Murtough នាយកបាល់ទាត់របស់ United បានធ្វើការពិភាក្សាបឋមជាមួយលោក Valverde ហើយគ្រូបង្វឹកបើកចំហចំពោះគំនិតនេះ ហើយថែមទាំងកំពុងដាក់ផែនការបឋម ដើម្បីពង្រឹងក្រុមនៅ Old Trafford៕
