បរទេស៖ នេះបើយោងតាមការចេញផ្សាយរបស់សារព័ត៌មាន El Nacional នៅថ្ងៃទី២១ ខែវិច្ឆិកា ឆ្នាំ២០២១នេះ បានអោយដឹងថា ក្លឹប PSG បានកាត់បន្ថយការចាប់អារម្មណ៍ចំពោះខ្សែប្រយុទ្ធក្លឹប Borussia Dortmund គឺកីឡាករ Erling Haaland ហើយ។
ក្លឹបយក្សនៅបារាំងមួយនេះបានសម្លឹងឃើញខ្សែប្រយុទ្ធមួយចំនួននៅក្នុងអំឡុងទីផ្សារដោះដូរកីឡាករបើកនាពេលខាងមុខ ដើម្បីយកមកជំនួសកកន្លែងរបស់ Kylian Mbappe ដែលអាចនឹងផ្លាស់ប្តូរ ទៅ Real Madrid។
Haaland ស្ថិតនៅក្នុងបញ្ជីកីឡាករដំបូងដែល PSG ចង់បាន ប៉ុន្តែពួកគាត់បានប្តូរចិត្តទៅចាប់អារម្មណ៍លើខ្សែប្រយុទ្ធរបស់ក្លឹប Fiorentina គឺ Dusan Vlahovic វិញ។ ដោយគាត់មានតម្លៃខ្លួនប្រមាណតែ ៦៧លានផោនប៉ុណ្ណោះ៕
