Jorginho តារាឆ្នើមរបស់ Chelsea បានបើកចំហរអំពីអតីតកាលរបស់គាត់ និងអ្វីដែលនាំឱ្យគាត់ក្លាយជាកីឡាករបាល់ទាត់។ កីឡាករអ៊ីតាលីរូបនេះបាននិយាយទៅកាន់កាសែត Champions Journal អំពីវិធីរបស់គាត់ក្នុងការចូលរួមជាមួយ Chelsea ។ គាត់បាននិយាយអំពីការឈ្នះទាំង UEFA Champions League និង European Championship ក្នុងរដូវកាលតែមួយ។
កីឡករសញ្ជាតិអ៊ីតាលីរូបនេះ ត្រូវបានសួរអំពីពេលវេលារបស់គាត់អំឡុងពេលនៅ Hellas Verona ។ គាត់បាននិយាយថា៖ «ខ្ញុំបានហ្វឹកហាត់ ២០ ម៉ោងក្នុងមួយសប្តាហ៍ នៅអំឡុងពេលចុងសប្តាហ៍ ហើយខ្ញុំមិនមានលុយដូចគេនោះទេ ដូច្នេះខ្ញុំតែងតែទៅទិញទឹកដោះគោខាប់តម្លៃ ១អឺរ៉ូ ហើយទៅអង្គុយនៅលើជណ្តើររបស់កីឡដ្ឋាន Verona ដើម្បីមើលបាល់។ បន្ទាប់ពីព្រឹត្តិការណ៍ EURO ខ្ញុំបានត្រលប់ទៅ Verona វិញដោយហេតុផលផ្សេងទៀត ហើយខ្ញុំបានទៅទីនោះដើម្បីផឹកភេសជ្ជៈតម្លៃ ១អឺរ៉ូ និងអង្គុយនៅលើកាំជណ្តើរ។ បន្ទាប់ពីរឿងទាំងអស់ដែលខ្ញុំបានឆ្លងកាត់ វាពិតជាមានការផ្លាស់ប្តូរសម្រាប់ខ្ញុំ។ មានរឿងជាច្រើនកំពុងស្ថិតនៅពេញក្បាលរបស់ខ្ញុំ។ វាពិតជារំជួលចិត្តណាស់សម្រាប់ខ្ញុំ ដោយធ្វើវាបានសម្រាប់ ១៤ ឆ្នាំក្រោយ»។
Jorginho បានបន្តថា៖ «ខ្ញុំបានទៅទីនោះនៅពេលខ្ញុំមានអាយុ ១៥ ឆ្នាំ ហើយខ្ញុំរស់នៅក្នុងសាលាជាមួយក្មេងៗដែលកំពុងលេងឱ្យក្រុមយុវជន Verona និង Chievo ។ ខ្ញុំកំពុងស្នាក់នៅជាមួយក្មេងប្រុសប្រាំនាក់ផ្សេងទៀត ពួកយើងប្រាំមួយនាក់នៅក្នុងបន្ទប់មួយ ហើយពួកយើងទទួលទានអាហារពេលព្រឹក អាហារថ្ងៃត្រង់ និងអាហារពេលល្ងាចជាមួយគ្នា»។
ដំណើរនេះហាក់ដូចជាបានទទួលផលនៅទីបញ្ចប់។ Jorginho បានឈ្នះ UEFA Champions League ជាមួយ Chelsea ក៏ដូចជាជើងឯកអឺរ៉ុបជាមួយអ៊ីតាលីកាលពីដើមឆ្នាំនេះ។ ខ្សែបម្រើរូបនេះក៏ត្រូវបានជាប់ឈ្មោះជាកីឡាករឆ្នើមប្រចាំឆ្នាំ ២០២១ របស់ទ្វីបអឺរ៉ុប សម្រាប់ការបង្ហាញទម្រង់លេងរបស់គាត់សម្រាប់ក្លឹប និងប្រទេស៕
