នៅព្រឹកថ្ងៃអង្គារទី ៩ ខែវិច្ឆិកានេះ គេបានឃើញ Xavi Hernandez ចាប់ផ្តើមអាណត្តិរបស់គាត់ជាគ្រូបង្វឹករបស់ Barcelona មួយថ្ងៃបន្ទាប់ពីគាត់ត្រូវបានបង្ហាញនៅ Camp Nou ជាអ្នកស្នងតំណែងរបស់ Ronald Koeman ។
មានកីឡាករតែពីរបីនាក់ប៉ុណ្ណោះ ដែលបានបង្ហាញខ្លួនសម្រាប់ការហ្វឹកហាត់នៅថ្ងៃអង្គារ នៅឯទីលានហ្វឹកហាត់របស់ក្លឹប ខណៈដែលមានការសម្រាកអន្តរជាតិ រួមជាមួយនឹងការរបួសជាច្រើន។
ក្នុងឱកាសនោះ Xavi បាននិយាយពាក្យមួយឃ្លាទៅកាន់កូនក្រុមថា «អ្នកត្រូវតែជឿជាក់លើខ្លួនឯង » យើងគួរតែមានមោទនភាពក្នុងការនៅក្លឹបដូចជា Barcelona ហើយថាក្រុមនេះតែងតែមានការប្រកួតប្រជែង។
ទន្ទឹមនឹងនោះ ប្រធានក្លឹប Barcelona លោក Joan Laporta ក៏បានថ្លែងសារទៅកាន់កីឡាករផងដែរ ដោយបញ្ជាក់យ៉ាងច្បាស់ថា ការផ្លាស់ប្តូរគ្រូបង្វឹកគឺដោយសារតែទម្រង់លេងមិនល្អដែលក្រុមបានបង្ហាញ ហើយថាមិនមានអារម្មណ៍វិជ្ជមានចេញពីបន្ទប់ស្លៀកពាក់នោះទេ។
Laporta បានបញ្ជាក់ថា៖ «យើងបានត្រៀមខ្លួនជាស្រេច ដើម្បីប្រយុទ្ធ ដើម្បីដណ្តើមយកពានទាំងអស់» ៕
