ក្លឹប Barcelona បានប្រកាសជាផ្លូវការអំពីការតែងតាំងអតីតវីរបុរស និងជាអតីតប្រធានក្រុម Xavi Hernandez ជាគ្រូបង្វឹកបន្ទាប់ពីការបណ្តេញលោក Ronald Koeman ។ ការយកចិត្តទុកដាក់ឥឡូវនេះបានងាកទៅរកអនាគត និងអ្វីដែលម្ចាស់ជើងឯក World Cup នឹងនាំយកទៅកាន់ទឹកដី Camp Nou ។
ការរំពឹងទុកនៃការផ្ទេរដ៏មានសក្តានុពល ត្រូវបានគេកំណត់អត្តសញ្ញាណ ខណៈដែលទម្រង់លេងរបស់ Barcelona ក៏ត្រូវបានពិភាក្សាផងដែរ។ យោងតាមអ្នកកាសែត Diario AS លោក Javi Miguel បានឲ្យដឹងថា Barca កំពុងស្វែងរកការចុះហត្ថលេខាលើខ្សែបម្រើស្លាប។
មានខ្សែបម្រើស្លាបមួយចំនួនដែល Barcelona កំពុងសម្លឹងមើលសម្រាប់ទីផ្សារដោះដូរកីឡាករនាពេលខាងមុខ ដែលមានដូចជា៖ Antony របស់ក្លឹប Ajax, Raphinha របស់ក្លឹប Leeds United, Luis Diaz របស់ក្លឹប FC Porto និង Adama Traore របស់ក្លឹប Wolves។
ទោះជាយ៉ាងណាក៏ដោយ ការវិលត្រលប់របស់ Xavi បានស្ដារឡើងវិញនូវជំនឿនៅក្លឹប ហើយត្រូវបានគេរំពឹងថា គាត់អាចជាមនុស្សម្នាក់ ដែលធ្វើអោយក្លឹបត្រលប់ទៅថ្ងៃដ៏រុងរឿងរបស់ពួកគេវិញ៕
