គ្រូបង្វឹកក្រុម Manchester United លោក Ole Gunnar Solskjaer បានចេញមុខតបត ចំពោះអ្នករិះគន់ទៅលើកីឡាករ Cristiano Ronaldo ។
បិសាចក្រហមបានចុះហត្ថលេខាលើតារាជើងចាស់របស់ក្លឹបម្ដងទៀត កាលពីដើមរដូវក្ដៅនេះក្នុងតម្លៃ ១២,៨ លានផោន។ គាត់បានចាប់ផ្តើមយ៉ាងល្អក្នុងការលេងជាលើកទីពីររបស់គាត់នៅ Old Trafford ដោយស៊ុតបញ្ចូលទីបាន ៩ គ្រាប់ក្នុង ១១ ប្រកួតសម្រាប់ Manchester United នៅរដូវកាលនេះ។
អ្នករិះគន់ជាច្រើនបានលើកហេតុផលថា ទោះបីជាស៊ុតបញ្ចូលទីបានក៏ដោយ ប៉ុន្តែ Ronaldo បានជះឥទ្ធិពលអវិជ្ជមានដល់ក្រុម។ ពួកគេបានបង្ហាញថា ដោយសារតែអាយុរបស់គាត់ CR7 មិនអាចប្រជែងយកបាល់មកវិញ នៅពេលដែលគូប្រជែងដណ្តើមបាល់បាន។
នៅក្នុងសន្និសីទសារព័ត៌មានមុនការប្រកួតនៅ Premier League ជាមួយនឹង Manchester City គ្រូបង្វឹកបិសាចក្រហម បាននិយាយថា៖ «គាត់គឺជាកីឡាករល្អបំផុតម្នាក់ដែលមិនធ្លាប់មាននៅលើភពផែនដីនេះ ហើយឥទ្ធិពលរបស់គាត់នៅលើ និងក្រៅទីលានគឺពិតជាធំធេងណាស់ របៀបដែលគាត់គ្រប់គ្រងខ្លួនឯង ហើយអ្នកគ្រប់គ្នាអាចនិយាយបានថាវាអវិជ្ជមានដែរ ឬទេ សម្រាប់ខ្ញុំ ខ្ញុំមិនគិតដូចអ្នករាល់គ្នាឡើយ។ គាត់ស៊ុតបញ្ចូលទី ធ្វើការឲ្យក្រុមរបស់គាត់ គាត់ជាកំពូលកីឡាករ»៕
