អ្នកកាសែតសញ្ជាតិអ៊ុយរ៉ាហ្កាយ លោក Rodrigo Romano បានបញ្ជាក់ថា កីឡាករ Edinson Cavani នឹងមិនមានវត្តមានជួយក្រុមបិសាចក្រហម Manchester United ក្នុងការប្រកួតទល់នឹង Manchester City នៅយប់នេះ។
ជាការពិតណាស់ Man Utd នឹងត្រូវមានភារកិច្ចដ៏សំខាន់ក្នុងក្របខណ្ឌ Premier League រាត្រីនេះ ប៉ុន្តែពួកគេហាក់ដូចជាជួបបញ្ហាច្រើន ទាក់ទងនឹងកីឡាករមានបញ្ហារបួស ជាក់ស្តែងដូចជា Raphael Varane នឹងអវត្តមាន១០០ភាគរយ ខណៈព័ត៌មានចុងក្រោយនៅថ្ងៃនេះគឺ Cavani ម្នាក់ទៀតដោយសារមានបញ្ហារបួស។
លោក Rodrigo Romano បាននិយាយថា៖ Cavani នឹងអវត្តមានក្នុងការប្រកួតរាត្រីនេះ។ គាត់មានការឈឺចាប់ខ្លាំង នៅត្រង់សរសៃពួរនៅរយៈពេលពីរថ្ងៃចុងក្រោយនេះ។ គាត់មានបញ្ហារបួសនៅពេលប៉ះជាមួយ Tottenham ដែលជាហេតុធ្វើឲ្យគេមិនបានលេងជាជម្រើសដំបូងពេលប៉ះ Atalanta៕
