ភ្នំពេញ៖ នេះបើយោងតាមការបញ្ជាក់របស់លោក ជំទាវវេជ្ជបណ្ឌិត ឱ វណ្ណឌីន អ្នកនាំពាក្យក្រសួងសុខាភិបាល បានអោយដឹងថា និងចាត់វិធានការច្បាប់ចំពោះបុគ្គលណាដែលលក់ឱសថ Molnupiravir (ព្យាបាលកូវីដ១៩) ដោយមិនមានច្បាប់អនុញ្ញាត។
នេះបើតាមការបញ្ជាក់របស់លោកជំទាវ ទៅកាន់ទូរទស្សន៍ក្នុងស្រុកមួយ នៅថ្ងៃទី៦ ខែវិច្ឆិកា ឆ្នាំ២០២១នេះ ក្រោយក្រសួងសុខាភិបាល បានអនុញ្ញាតអោយមានការប្រើប្រាស់ឱសថ Molnupiravir សម្រាប់ព្យាបាលជំងឺកូវីដ១៩ ក្នុងលក្ខខណ្ឌបន្ទាន់ កាលពីពីថ្ងៃទី៣ ខែវិច្ឆិកា កន្លងទៅ។
លោកជំទាវបានបន្ថែមថា មកដល់ពេលនេះមិនទាន់ខាងណាមកធ្វើការស្នើរសុំនាំចូលឱសថ Molnupiravir មកលក់ក្នុងទីផ្សារកម្ពុជានៅឡើយទេ។ ក្នុងនោះ លោកជំទាវ ឱ វណ្ណឌីន បានសង្កត់ធ្ងន់ ដោយធ្វើការព្រមានចាត់វិធានការច្បាប់ចំពោះបុគ្គលណាមិនគោរពតាមច្បាប់ និងផ្សព្វផ្សាយលក់ឱសថដោយគ្មានការស្នើសុំផងដែរ៕
