Sadio Mane ត្រូវបានប្តូរចេញនៅពាក់កណ្តាលតង់ ក្នុងការទទួលជ័យជម្នះរបស់ Liverpool លើ Atletico Madrid កាលពីយប់ថ្ងៃពុធ ទោះបីជាមិនមានរបួសក៏ដោយ។
លោក Jurgen Klopp បានពន្យល់ពីហេតុផលរបស់គាត់សម្រាប់ការដក Mane បន្ទាប់ពីការប្រកួត ហើយវាហាក់ដូចជាការសម្រេចចិត្តរបស់គាត់កើតចេញពីរឿងដូចគ្នា សម្រាប់ខ្សែប្រយុទ្ធរូបនេះ ក្នុងការប្រកួតកាលពីរដូវកាលមុន។
កាលពីរដូវកាលកន្លងផុតទៅ Mane ត្រូវបានដកចេញនៅតង់ទី ១ ក្នុងការប្រកួតជើងទី ១ នៃការប្រកួតវគ្គ ១៦ ក្រុមចុងក្រោយរបស់ Liverpool ជាមួយ Atletico ក្នុងឆ្នាំ ២០២០ ខណៈដែលគាត់កំពុងត្រូវបាន “កំណត់គោលដៅ” ដោយក្រុមគូប្រកួតដែលលេងកាច នេះបើយោងតាមលោក Klopp ។
គ្រូបង្វឹកក្រុម Liverpool បានប្រាប់ BT Sport បន្ទាប់ពីការប្រកួតនោះថា “Mane ត្រូវបានគេកំណត់គោលដៅច្បាស់ណាស់ គាត់លេងបានល្អណាស់ក្នុងតង់ទីមួយ ហើយរឿងតែមួយគត់ដែលពួកគេចង់បាន គឺចង់ឲ្យគាត់មានបញ្ហា”៕
