Zlatan Ibrahimovic បានអះអាងថា Lionel Messi ស្ថិតក្នុងការប្រកួតប្រជែងដ៏ល្អនៅ PSG ។ ខ្សែប្រយុទ្ធ AC Milan រូបនេះបានបន្ថែមថា តារាឆ្នើមអាហ្សង់ទីន វ័យ ៣៤ឆ្នាំ គឺស្ថិតនៅក្លឹបដែលមានមហិច្ឆតាខ្លាំង ដែលវាល្អឥតខ្ចោះសម្រាប់គាត់។
Barcelona មិនអាចបន្តកិច្ចសន្យារបស់ Lionel Messi នៅ Camp Nou ហើយកីឡាករអាហ្សង់ទីនរូបនេះត្រូវបានចាកចេញនៅរដូវក្តៅ។ PSG ត្រៀមចុះហត្ថលេខាជាមួយគាត់ភ្លាមៗ ហើយក្លឹបអ្នកមានបារាំងបានបញ្ចប់រឿងនេះយ៉ាងឆាប់រហ័ស។
Zlatan បាននិយាយទៅកាន់ Telefoot នៅពេលដែលពួកគេបានសួរគាត់អំពីការផ្លាស់ប្តូររបស់ Lionel Messi ទៅ Paris Saint-German ។ អតីតខ្សែប្រយុទ្ធ PSG វ័យ ៤០ឆ្នាំបានអះអាងថា ការផ្លាស់ប្តូរនេះគឺជាការប្រកួតប្រជែងដ៏ល្អសម្រាប់ Messi ខណៈដែលគាត់បានចូលរួមជាមួយក្លឹបដែលមានមហិច្ឆតាខ្លាំង។ Zlatan បានបន្តថា៖ «វាជាការប្រកួតប្រជែងដ៏ល្អសម្រាប់ Messi ។ គាត់នឹងព្យាយាមធ្វើអ្វីថ្មី បន្ទាប់ពីរយៈពេលដ៏យូរនៅ Barcelona ហើយគាត់កំពុងនៅក្លឹបដែលមានមហិច្ឆតាខ្លាំងដែលចង់ឈ្នះ និងកំពុងលេចធ្លោ»៕
សូមទស្សនាវីដេអូខាងក្រោម៖
